2 PETRUS 1:5 - JANJAI BLAU Lem Bahaso Jang Bebilai

⁵ Kerno o, berusahoba sungguak-sungguak supayo udi tep pecayo ngen Kristus, ngen pecayonu o tenunjang idup de baik. Seluyen idup de baik udi perlu jijai tun de temuan pengetahuan,

2 PETRUS 1:5 ပူးပေါင်းရင်းမြစ်များ

LUKAS 16:26

Seluyen do'o, neak antaro do ngen keme sudo nea do jurang de lai, supayo tun kunei yo coa dapet moi mindi ngen tun kunei di coa dapet kulo miyo!’

LUKAS 24:21

Padohal keme bel'o ma'ep, bahwo Siba de teko utuk mbebas bangso Israel. Tapi sementaro o bi liwet telau bilai, ayok kutene o tejijai.

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

1 KORINTUS 14:20

Saudaro-saudaro! Jibeakba meker awei anok titik. Lem hal-hal kejahatan, lokba udi tep awei anok titik. Tapi lem pekeran, lokba udi jijai tun lai.

EFESUS 5:17

Sebab o jibeakba udi bodong, tapi berusahoba supayo udi ngertai kelok Tuhan.

FILIFI 1:9

Dioba du'oku utuk udi: semoga udi tambeak mengasihi Allah ngen sesamo lem pengetahuan de benea ngen pandangan de bijaksana.

FILIFI 2:12

Saudaro-saudaroku de tekasiak, ko bogoa taat; kerno'o tepba kemerjo keselamatamnu ngen saben ngen gentar, iso bae awei waktau uku masiak ade, tapi lebiak igai uyo waktau uku coa ade,

FILIFI 4:8

Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.

KOLOSE 1:9

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

IBRANI 11:6

Coa ade imen, coa suang kulo dapet semnang atei Allah. Sebab tun de teko ngen Allah harus pecayo bahwo Allah ade, ngen bahwo Allah melei bales ngen tun de mesoa-Ne.

IBRANI 12:15

Jagoba jibeak sapei ade suang kulo de keluea kunei lingkungan kebaikan atei Allah, supayo jibeak ade de jijai awei tanem de ade acun neak tengeak-tengeak udi sehinggo timboa saro ngen musak dau tun ngen acunne.

IBRANI 6:11

Keme lok nien supayo udi masing-masing terus semangat sapei akhir, sehinggo udi temimo jano de udi ma'ep o.

1 PETRUS 3:7

Ngen udi kulo, maten-maten, lokba idup ngen penuak pengertian teadep ngenyannu, ngen sadar bahwo tobo; o adeba kaum de lemah. Bersikapba hormat ngen tobo'o, sebab tobo'o besamo-samo ngen udi, bakea temimo anugerah idup de sejati kunei Allah. Neaba dio, supayo coa ade de malang du'onu.

2 PETRUS 1:10

Sebab o, Saudaro-saudaro, beusahoba lebiak giat supayo panggilan Allah ngen Piliak-Ne das dirainu o jijai semakin teguak. Amen udi menea o, udi coa bakea murtad.

2 PETRUS 1:11

Ngen awei yo udi bakea nelei hok penuak utuk masuk Kerajaan de kekal kunei Tuhan ngen Rajo Penyelamat ite Yesus Kristus.

2 PETRUS 3:14

Sebab o, saudaro-saudaro de tecito, sementaro udi mbot kutene o, berusahoba sungguak-sungguak utuk idup sucai ngen coa ade cacet neak adep Allah, neaba hubungan de baik ngen Allah.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.