2 PETRUS 1:4 - JANJAI BLAU Lem Bahaso Jang Bebilai

⁴ Ngen ca'o do'oba Allah melei anugerah ngen ite berkat-berkat de kembiak luea biaso ngen bego de sudo jenanjai-Ne. Ngen berkat-berkat o udi dapet mbebas udi kunei kelok-kelok kidek de musak neak dunio yo, ngen udi temimo sifet ilahi.

2 PETRUS 1:4 ပူးပေါင်းရင်းမြစ်များ

ROMA 9:4

Sebab tobo'o adeba tun Israel, tobo'o bi naket jijai anok, ngen tobo'o bi temimo kemuliaan, janjai-janjai, ngen hukum agamo Yahudi.

2 KORINTUS 1:20

Sebab liwet Si Allah bi madeak “Au” teadep kute janjai-Ne. Kerno o ba ite mucep “Amin” ngen Allah kerno Yesus Kristus. Keme menea awei o supayo Allah mulio.

2 KORINTUS 3:18

Ite kutene adeba senno kemulioan Tuhan ngen papea de coa tenutup selikep. Kerno kemulioan o tekone kunei Tuhan de adeba Roh, mako ite dong nubeak jijai awei ngen gambar-Ne, lem kemulioan de tambeak lai.

2 KORINTUS 6:17

Kerno o: Kelueaba udi kunei tobo'o, ngen cen'eiba dirainu kunei tobo'o, firman Tuhan. Jibeakba megong jano de najis, mako Uku bakea temimo udi.

GALATIA 3:16

Janjai-janjai Allah nea Allah utuk Abraham ngen utuk tun royot Abraham. Lem Kiteb Sucai coa tetulis “ngen utuk tun-tun royot Abraham”, de taine dau tun. De tetulis neak di adeba “ngen utuk tun royotnu”, taine do tun bae, adeba Kristus.

GALATIA 6:8

Sebab api de temanem temurut tabiat manusione, si bakea dapet kematian kunei tabiatne o. Tapi, api de temanem temurut pipinan Roh Allah, si bakea dapet idup kekal kunei Roh Allah o.

EFESUS 4:13

Ngen awei o ite kute jijai do ngen imen de serai ngen pengertian de serai tetang Anok Allah. Ngen ite jijai tun-tun lai de tambeak an tambeak sempurno awei Kristus.

KOLOSE 3:10

Udi uyo bi nelei idup de blau. Udi adeba manusio blau, de gidong nea jijai blau terus menerus ngen Penciptane, adeba Allah, temurut betuk-Ne suang. Maksudne adeba supayo udi kemnal Allah ngen sempurno.

IBRANI 12:10

Tun tuai te de neak dunio majea ite cuma lem waktau de tebatas, temurut jano de tobo'o meraso baik. Tapi Allah majea ite utuk kebaik ite suang, supayo ite dapet jijai sucai besamo-samo ngen Si.

IBRANI 9:15

Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

2 PETRUS 3:13

Tapi ite mbot jano de sudo jenanjai Allah, adeba lenget de belau ngen bumai de belau, neak ipe ade keadilan.

2 PETRUS 3:9

Tuhan coa cendok melei jano de sudo jenanjai-Ne kunyau ade de madeak awei yo. Sebelekne, Si sabar teadep udi, sebab Si coa lok su'ang tun kulo benaso. Si lok supayo kute tun tobat kunei duso-dusone.

1 YOHANES 2:25

Dioba de jenanjai Kristus su'ang ngen ite: idup sejati ngen kekal.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.