2 PETRUS 1:3 - JANJAI BLAU Lem Bahaso Jang Bebilai

³ Allah bi makei kuaso ilahi-Ne utuk melei ngen ite kute de ite perlu utuk idup beribadah. Si menea yo liwet jano de ite namen tetang Yesus Kristus, de sudo menok ite utuk menikmati kebesaran ngen kebaikan-Ne.

2 PETRUS 1:3 ပူးပေါင်းရင်းမြစ်များ

MATIUS 28:18

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

ROMA 8:32

Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si?

ROMA 9:24

adeba ite, de sudo nok-Ne iso cuma kunei antaro tun Yahudi, tapi kulo kunei antaro bangso-bangso luyen.

1 KORINTUS 1:9

Udi dapet pecayo ngen Allah sepenuakne. Siba Allah de sudo menok udi utuk jijai do ngen Anok-Ne, adeba Yesus Kristus, Tuhante.

2 KORINTUS 12:9

Tapi Tuhan jemawab, “Cukupba anugerah-Ku bagiaknu, sebab justru lem kelemahanba kuaso-Ku jijai sempurno.” Sebab o, uku lebiak galok ombong das kelemahanku, supayo kuaso Kristus tu'un moi uku.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

EFESUS 4:4

Cuma ade do awok, ngen do Roh. Awei o kulo udi nok utuk do harapan de serai.

FILIFI 3:8

Iso bae hal-hal o; tapi kute sesuaktau uku manggap sebagoi hal-hal de cuma jijai rugai bae. De uku temuan uyo yo adeba lebiak bego: adeba kemnal Kristus Yesus, Tuhanku. Kerno Kristus, mako uku bi temanggea kekutene. Uku anggap kutene o sebagoi sampah bae, supayo uku dapet Kristus,

FILIFI 4:8

Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.

KOLOSE 1:16

Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

1 TESALONIKA 4:7

Allah menok ite, iso supayo ite idup cabul, meluyen supayo ite idup ngen ca'o de semnang atei-Ne.

2 TESALONIKA 2:14

Utuk do'oba Allah menok udi liwet Bito Baik de keme melei namen ngen udi. Allah menok udi, kerno Si lok supayo udi milau meding kemuliaan Tuhan ite Yesus Kristus.

1 TIMOTIUS 4:8

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

1 PETRUS 1:15

Sebelekne, lokba udi sucai lem kute sesuaktau de udi nea, serai awei Allah de menok udi o sucai.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

1 PETRUS 2:21

Utuk do'oba Allah menok udi. Kerno Kristus su'ang bi menderito utuknu, ngen o Si melei ngen udi suaktau contoh, supayo udi temotoa jejak-Ne

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

1 PETRUS 3:9

Jibeakba males kejahatan ngen kejahatan, atau caci maki ngen caci maki; sebelekne malesba ngen minoi berkat kunei Allah. Sebab Allah menok udi justru supayo udi temimo berkat kunei Allah.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

2 PETRUS 1:10

Sebab o, Saudaro-saudaro, beusahoba lebiak giat supayo panggilan Allah ngen Piliak-Ne das dirainu o jijai semakin teguak. Amen udi menea o, udi coa bakea murtad.

2 PETRUS 1:2

Semoga Allah melei berkat ngen sejahtera ngen udi seca'o berlimpah, sebab udi kemnal Allah ngen Yesus, Tuhan ite.

2 PETRUS 1:5

Kerno o, berusahoba sungguak-sungguak supayo udi tep pecayo ngen Kristus, ngen pecayonu o tenunjang idup de baik. Seluyen idup de baik udi perlu jijai tun de temuan pengetahuan,

2 PETRUS 1:6

seluyen pengetahuan, udi harus kulo dapet kemuaso dirai. Ngen seluyen dapet kemuaso dirai lokba udi kulo mupuk dirai utuk tabah madep kute sesuaktau. Ngen seluyen tabah madep kute sesuaktau, udi harus kulo idup temurut kelok Allah.

2 PETRUS 1:8

Kutene o adeba sifet-sifet de udi perlu. Amen sifet-sifet o ade padonu ngen berlimpah-limpah, udi bakea jijai giat ngen berasea, ngen kemnal Yesus Kristus Tuhan ite ngen lebiak baik igai.

2 PETRUS 2:20

Tun de kemnal Tuhan ngen Penyelamat ite Yesus Kristus sudo bebas kunei kuaso-kuaso dunio de menea manusio jijai najis. Tapi amen sesudo'o si tejerat igai sehinggo aleak ngen kuaso-kuaso o, mako keadaan tun o pado akhirne lebiak kidek kunei ayokne.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.