2 KORINTUS 9:5 - JANJAI BLAU Lem Bahaso Jang Bebilai

⁵ Do'oba sebabne uku meraso perlu mutus tobo'o o ngenudi lebiak dute utuk murus sumbangan de udi janjai o. Uku nea o supayo be amen uku teko, pelei udi o bi siap. Ngen awei o, nyatoba bahwo peleinu o nelei ngen senang atei, iso kerno terpakso.

2 KORINTUS 9:5 ပူးပေါင်းရင်းမြစ်များ

FILIFI 4:17

Do'o iso taine uku cuma lok temimo pelei. De uku lok adeba supayo uku dapet kemliak asea-asea de temambeak utung.

2 KORINTUS 8:6

Sebab o, keme pakso Titus, supayo si mulau udi ngen semlesei pelayanan kasih o awei ipe si bi muloine.

1 KORINTUS 16:2

Pado bilai pertamo tiep minggau, lokba Saudaro kutene mok pao caci, masing-masing sesuoi ngen pendapatanne. Naikba caci o sapei uku teko, supayo pado waktau o coa perlu igai kenopoa.

2 KORINTUS 9:3

Uyo uku mutus Titus ngen keduai saudaro o ngen udi supayo jano de keme mbangga tetang udi jibeak cuma omong kosong bae. Jijai, udi lokne bi siap, sebab uku madeak ngen tobo'o bahwo udi bi siap utuk o.

2 KORINTUS 9:6

Tingetba! Tun de tembea biniak didik, bakea mopoa asea de didik kulo. Tun de tembea biniak dau, bakea mopoa dau kulo.