2 KORINTUS 8:9 - JANJAI BLAU Lem Bahaso Jang Bebilai

⁹ Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

2 KORINTUS 8:9 ပူးပေါင်းရင်းမြစ်များ

ROMA 8:32

Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si?

MATIUS 20:28

Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

ROMA 5:8

Tapi Allah kemten kasih-Ne ngen ite, kerno Kristus bi matei utuk ite, ketiko ite masiak beduso.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

EFESUS 2:7

Allah nea o supayo pado zaman de bakea teko, manusio dapet kemliak padeak laine kasih Allah. Kasih o kenten Allah liwet kebaikan atei-Ne ngen ite liwet Yesus Kristus.

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

1 TIMOTIUS 6:18

Meleiba nasihat ngen tobo'o supayo menea de baik, jijai kayo lem plep de baik, mu'eak atei ngen galok melei.

LUKAS 16:11

Jijai, amen udi coa setia lem hal kayo dunio, api de bakea masai ngen udi harto de sesungguakne?

IBRANI 1:2

Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

LUKAS 9:58

Yesus madeak magea si, “Srigala temuan lubang ngen burung temuan sa'ang, tapi Anok Manusio coa temuan penan utuk mpek ulau-Ne.”

WAHYU 3:18

Sebab o Uku melei nasihat udi supayo temukua kunei pado-Ku mas, adeba mas de murni, supayo udi jijai kayo. Nukuaba kulo keracok putiak kunei pado-Ku supayo udi makei keracok ngen temutup awok udi de beleseng ngen nyelek. Ngen mukuaba kulo ubet utuk nusep neak matainu supayo udi dapet ngeliak.

EFESUS 3:19

de ngen akea manusio coa dapet naham nien. Semoga udi namen kasiak Kristus o, sehinggo udi penuak ngen kepribadian Allah de sempurno.

1 KORINTUS 1:4

Uku bogoa mucep syukur ngen Allahku kerno udi das anugerah Allah de nelei-Ne ngen udi lem Kristus Yesus.

LUKAS 2:7

Si melaher suang anok semanei, anokne de tuai, lajau nukusne ngen kain ngen nulikne neak lem palungan, kerno coa ade penan temalem utuk tobo'o.

YOHANES 16:15

Kute sesuaktau de Bapa temuan adeba Uku temuan. Do'o sebabne Uku madeak; Si bakea melei namen ngen udi jano de tenimo-Ne kunei-Ku.”

YOHANES 1:17

Sebab Hukum Taurat nelei liwet Musa. Tapi anugrah ngen benea teko liwet Yesus Kristus.

YOHANES 1:10

Firman bi ade neak lem dunio ngen dunio jenijei liwet Si, tapi dunio coa kemnal Si.

MATIUS 8:20

Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

WAHYU 21:7

Tun-tun de menang bakea temimo kutene yo. Uku bakea jijai Allahne, ngen si jijai anok-Ku.

1 KORINTUS 15:47

Adam de pertamo jenijai kunei pitok, tapi Adam de keduai asalne kunei surgo.

ROMA 11:12

Sebab amen pelanggaran tobo'o temuan tai kekayaan bagiak dunio, ngen kekurangan tobo'o kekayaan bagiak bangso-bangso luyen, lebiak-lebiak igai kesempurnaan tobo'o.

YOHANES 17:19

Ngen Uku semucai dirai-Ku utuk tobo'o, supayo tobo'o kulo senucai lem kebenea.

YOHANES 12:30

Jawab Yesus, “Saei o bi teni'uk iso kerno Uku, tapi kerno udi.

MARKUS 6:3

Si dio anok tukang kieu, anok Maria, ngen pasuak Yakobus, Yoses, Yudas ngen Simon? Iso pasuak-pasuak-Ne de selawei ade neak yo besamo ite?” Lajau tobo'o coa temimo Si.

MATIUS 17:27

Tapi jibeakba ite menea tun-tun'o mengiak. Jijai lalauba moi daneu utuk ngeweya, mokba kan de dute ngen ko temakep, neak lem bibiane'o ko bakea temau matai caci de genep utuk pajak ite beduai. Mokba caci'o, nasen ngen tobo'o pajak ite utuk Bait Allah.”

KOLOSE 1:24

Uyo uku senang saro utuk kepentingannu. Sebab ngen derito, uku gemnep jano de masiak harus Yesus meding saro utuk jemaat-Ne, adeba awok-Ne.

LUKAS 8:3

Yohana ngenyan Khuza pegawai istana Herodes, Susana ngen dau selawei-selawei luyen. Ngen biaya suang, tobo'o temulung Yesus ngen murid-murid-Ne.

ROMA 15:3

Sebab Kristus kulo coa meker kesenangan dirai-Ne su'ang. Neak lem Kiteb Sucai tetulis awei yo, “Kute hinaan teadep Ko bi keno ngen uku.”

WAHYU 2:9

Uku namen kesaro-kesaro udi; Uku namen udi peset – tapi sebeneane udi kayo! Uku namen fitnahan-fitnahan tobo'o, de madeak diraine tu Yahudi, padahal iso; tobo'o adeba umat Iblis!