2 KORINTUS 8:7 - JANJAI BLAU Lem Bahaso Jang Bebilai

⁷ Kerno o, uyo, serai awei udi kayo lem kute sesuaktau – lem imen, lem kecek, lem pengetahuan, lem sungguak-sungguak utuk mulung, ngen lem kasihnu teadep keme – awei oba kulo lokne udi kayo lem pelayanan kasih yo.

2 KORINTUS 8:7 ပူးပေါင်းရင်းမြစ်များ

MATIUS 25:22

Lajau pelayan de temimo duai ribau caci mas'o, teko nadeakne, ‘Tuan, Tuan bi melei duai ribau caci mas ngen uku. Keliak ba, uku bi dapet utung duai ribau caci mas igai.’

ROMA 15:14

Saudaro-saudaroku! Uku yakin bahwo ade dau hal de baik ngen ko. Udi kulo namen kekutene ngen dapet majea do ngen de luyenne kulo.

1 KORINTUS 1:5

Kerno udi bi sudo jijai de Kristus temuan, mako idup nu kayo lem kute hal. Pengetahuannu tetang kute hal kembiak lem, ngen udi pacok majea pengetahuan o.

1 KORINTUS 12:13

Awei'o kulo ite kute, baik tun Yahudi atau iso tun Yahudi, hamba-hamba atau tun-tun bebas; ite kute bi baptis ngen Roh de serai, supayo ite jenijai do ngen awok Kristus. Ite kute kulo meding Roh de do o sepenuakne.

1 KORINTUS 12:8

Ngen de suang, Roh o melei kesanggupan utuk miling ngen kuaso. Ngen de luyen Roh de serai o melei kesanggupan utuk jemlas tetang Allah.

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!

1 KORINTUS 13:8

Selalu ade waktau neak ipe tun perlu saling kemasiak. Uyo ade tun de pacok semapei bito kunei Allah, tapi konyo si bakea bedan semapei bito o. Uyo ade de pacok miling lem bebagoi bahaso de ajaib, tapi konyo si bakea bedan miling lem bahaso-bahaso o. Uyo ade tun de namen dau hal, tapi tobo'o bakea coa tinget jano de tobo'o namen.

1 KORINTUS 14:12

Tetang udi suang, uku namen udi kembiak lok dapet karunio-karunio kunei Allah. Tapi de utamo sekilai, harus berusaho utuk makei kesanggupan de temulung jemaat jijai maju.

1 KORINTUS 4:7

Api de manggap Saudaro lebiak kunei tun luyen? Iso kute sesuaktau Saudaro temimo kunei Allah? Jijai, getai lok ombong, seolah-olah jano de ade ngen Saudaro o iso sesuaktau de nelei?

2 KORINTUS 7:7

Atei keme riang iso bae kerno Titus bi teko, tapi kulo kerno si melei namen awei ipe ateine riang kerno udi. Si melei namen ngen keme bahwo udi indau nien temau ngen uku, bahwo udi nyesal ngen plepnu bel'o ngen uyo rela mbela uku, hal o menea uku lebiak riang igai.

2 KORINTUS 8:6

Sebab o, keme pakso Titus, supayo si mulau udi ngen semlesei pelayanan kasih o awei ipe si bi muloine.

2 KORINTUS 9:14

Mako tobo'o bakea du'o udi ngen perasan kasih sayang kerno Allah kebiak baik atei ngen udi.

2 KORINTUS 9:8

Allah bekuaso melei ngen udi berkat de kebiak dau, supayo udi temuan jano de udi perlu, bahkan udi bakea dapet lebiak utuk menea baik ngen beramal.

EFESUS 4:29

Jibeakba ade kecek de coa baik keluea kunei bibianu, tapi pakeiba kecek de baik utuk mbimbing ngen mulung tun luyen. Kecek-kecek awei o bakea jijai kebaikan ngen tun-tun de temi'ukne.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 1:9

Dioba du'oku utuk udi: semoga udi tambeak mengasihi Allah ngen sesamo lem pengetahuan de benea ngen pandangan de bijaksana.

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

2 TIMOTIUS 2:1

Timotius, anokku! Lokba ko jijai kuet ngen rahmat de nelei ngen ite, kerno ite jijai do ngen Kristus Yesus.

IBRANI 12:28

Kerno o, lok ba ite mucep mokasiak ngen Allah, karno ite temimo kunei Si sesuaktau kerajaan de coa dapet genuyang. Lokba ite mokasiak, beribadah ngen Allah. Hormat ngen saben, temurut ca'o de kenlok-Ne suang.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.

WAHYU 3:17

Udi madeak, ‘Keme kayo ngen serbo ade; keme coa kekurangan.’ Tapi udi coa namen bahwo udi kembiak peset ngen kembiak ibo keadaannu! Udi peset, beleseng, ngen sutai.