2 KORINTUS 8:18 - JANJAI BLAU Lem Bahaso Jang Bebilai

¹⁸ Besamo ngen si keme mbo kulo suang saudaro de kebiak dihormati neak kute jemaat kerno kerjono melei namen Bito Baik kunei Allah.

2 KORINTUS 8:18 ပူးပေါင်းရင်းမြစ်များ

2 KORINTUS 12:18

Uku bi meluak Titus lalau magea udi, ngen uku meluak saudaro do imen de luyen o lalau besamo-samo ngen si. Jano Titus mok utung kunei udi? Tapi keme beduai kerjo ngen tujuan de serai ngen betindok ngen ca'o-ca'o de serai.

2 KORINTUS 8:19

Iso do'o bae! Si kulo bi niliak jemaat-jemaat utuk kemuat keme lem pemaneu keme. Sebab keme bakea menea pemaneu utuk semapei sumbangan o, de keme nea utuk kemulioan Tuhan ngen sebagai bukti kerelaan keme.

1 KORINTUS 7:17

Lokba masing-masing matur kehidupanne temurut nasehat Tuhan awei de sudo tentau Allah bagiakne pado waktau Allah menokne utuk pecayo ngen-Si. Do, oba peraturan de uku najea neak tiep-tiep jemaat.

2 KORINTUS 2:12

Ketiko uku sapei neak Troas utuk melei namen Bito Baik tetang Kristus, Tuhan sudo mukok dalen utuk uku, utuk kerjo neak penan o.

ROMA 16:4

Tobo'o gesea matei kerno lok semlamat uku. Uku mokasiak ngen tobo'o – ngen iso uku bae, tapi kute jemaat bangso luyen de iso Yahudi kulo mokasiak ngen tobo'o.

1 KORINTUS 4:17

Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

1 KORINTUS 16:3

Konyo amen uku sapei, uku bakea mutus tun-tun de sudo udi tujua. Uku bakea melei ngen tobo'o su'et pengantar, supayo tobo'o mbin caci sedekeak o moi Yerusalem.