2 KORINTUS 7:8 - JANJAI BLAU Lem Bahaso Jang Bebilai

⁸ Kunyau su'etku menea ateinu sedih, uku coa nyesoa temulis su'et o. Memang perneak uku nyesoa, kerno uku kemliak su'et o menea ateinu sedih – kunyau utuk sementaro bae ke'anne –.

2 KORINTUS 7:8 ပူးပေါင်းရင်းမြစ်များ

YOHANES 16:6

Tapi kerno Uku madeak hal o ngen udi mako ateinu ibo.

YOHANES 21:17

Nadeak Yesus ngen si utuk ketelau kilaine, “Simon, anok Yona, jano Ko mengasiak Uku?” Petrus kulo meding ibo kerno Yesus madeak utuk ketelau kilaine, “Jano ko mengasiak Uku?” Ngen si madeak ngen-Ne, “Tuhan, Ko namen kute sesuaktau. Ko namen, bahwo uku mengasiak Ko.” Nadeak Yesus ngen si, “Meliaroba bebirai-Ku.

2 KORINTUS 7:11

Cubo udi perhatikan jano aseane utuk ko ngen kesedihan de temurut kelok Allah! Aseane adeba udi sungguak-sungguak berusaho utuk njeniak de keruh! Udi jijai jengiak teadep duso, udi saben, udi indau, udi jijai semangat, udi rela mukum de saleak! Lem kute persoalan yo udi bi melei namen bahwo udi coa saleak.

2 KORINTUS 7:12

Sebab o, amen uku bi temulis su'et ngen udi, mako iso kerno tun de saro menea saleak, meluyen supayo kerelaannu teadep keme jijai nyato bagiak udi neak adep Allah.

2 KORINTUS 7:6

Tapi Allah, de mibur tun de tembeak atei, bi mibur keme ngen tekone Titus.

2 KORINTUS 7:7

Atei keme riang iso bae kerno Titus bi teko, tapi kulo kerno si melei namen awei ipe ateine riang kerno udi. Si melei namen ngen keme bahwo udi indau nien temau ngen uku, bahwo udi nyesal ngen plepnu bel'o ngen uyo rela mbela uku, hal o menea uku lebiak riang igai.

2 KORINTUS 7:9

Tapi uku uyo riang, iso kerno udi bi duko, meluyen kerno dukonu menea udi tobat. Sebab dukonu o adeba temurut kelok Allah, sehinggo udi didik kulo coa rugai kerno keme.

WAHYU 3:19

Tun-tun de uku kasihi, tobo'oba de Uku tema'ok ngen Uku cambuk. Kerno o lokba udi semangat, ngen tobatba kunei duso-dusonu.