2 KORINTUS 7:7 - JANJAI BLAU Lem Bahaso Jang Bebilai

⁷ Atei keme riang iso bae kerno Titus bi teko, tapi kulo kerno si melei namen awei ipe ateine riang kerno udi. Si melei namen ngen keme bahwo udi indau nien temau ngen uku, bahwo udi nyesal ngen plepnu bel'o ngen uyo rela mbela uku, hal o menea uku lebiak riang igai.

2 KORINTUS 7:7 ပူးပေါင်းရင်းမြစ်များ

MATIUS 26:75

Petrus inget jano de sudo nadeak Yesus ngensi, “Ayok monok bekokok, ko bi muker Uku telau kilai.” Lajau Petrus lalau moi lua, ngen ngindoi ngen ibo.

MATIUS 5:4

Allah melei rahmat ngen tun de beduko Allah bakea mibur tobo'o!

LUKAS 22:44

Yesus kembiak saben ngen kembiak sesungguak bedu'o. Eteng-Ne awei daleak temtik moi taneak.]

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

ROMA 1:12

adeba, supayo uku ade neak antaro udi ngen sesamo riang kerno imen ite, baik imennu atau imenku.

1 KORINTUS 5:2

Kunyau awei o, udi masiak ombong. Sebelekne udi seharusne ibo ngen keluea kunei tun-tun de menea hal o.

2 KORINTUS 1:14

awei de sudo udi paham pa'one kunei keme, adeba bahwo pado waktau Tuhan Yesus teko igai, udi bakea bangga das keme awei keme kulo bakea bangga das udi.

2 KORINTUS 1:4

Si mibur keme lem kute derito keme, sehinggo keme sanggup mibur tobo'o de ade lem memecem derito.

2 KORINTUS 2:9

Uku temulis su'et o ngen udi, maksudne utuk tes udi, jano udi bogoa motoa petunjuk-petunjuk kunei uku.

2 KORINTUS 5:2

Selamo neak umeak de uyo yo, ite geruyam, kerno ite indau tinggea neak lem umeak ite de neak surgo.

2 KORINTUS 7:6

Tapi Allah, de mibur tun de tembeak atei, bi mibur keme ngen tekone Titus.

2 KORINTUS 7:8

Kunyau su'etku menea ateinu sedih, uku coa nyesoa temulis su'et o. Memang perneak uku nyesoa, kerno uku kemliak su'et o menea ateinu sedih – kunyau utuk sementaro bae ke'anne –.

2 KORINTUS 8:16

Keme mucep syukur ngen Allah sebab Si bi menea Titus serai giatne ngen keme utuk temulung udi.

FILIFI 1:20

De uku kebiak lok ngen ma'ep adeba supayo jibeak sapei uku gagal lem tugasku. Sebelekne uku ma'ep supayo tiep saat, terutamo sekilai uyo, uku dapet bersikap binai sehinggo ngen segenep jiwo ragaku – baik uku idup atau matei – Kristus dimuliakan.

KOLOSE 2:5

Kerno kunyau uku suang coa ade neak antaro udi, anggapba bahwo uku ade neak antaro udi. Ngen uku riang kemliak udi do atei ngen tep pecayo ngen Kristus.

1 TESALONIKA 3:6

Uyo Timotius bi teko igai ngen bi semapei ngen keme bito riang tetang awei ipe udi pecayo ngen Kristus ngen samo-samo mengasihi. Si melei namen ngen keme bahwo udi bogoa minget keme ngen baik tetang keme neak lem atei udi. Ngen udi lok temau ngen keme, serai awei keme kulo lok temau ngen udi.

1 TESALONIKA 3:8

Uyo keme idup igai, asal bae udi tep setia lem Tuhan.

IBRANI 2:1

Do'oba sebabne ite harus sungguak-sungguak bepegong ngen ajaran-ajaran de ite temi'uk, supayo ite jibeak teminggea imen ite.

YAKOBUS 5:17

Elia ngen ite samo-samo manusio. Si bedu'o ngen sungguak-sungguak supayo ujen coa tu'un, mako ujen kulo coa tu'un selamo telau taun setengeak.

2 YOHANES 1:4

Uku kemliak riang, namen bahwo pa'o kunei anok-anoknu idup lem kebenaran sesuai ngen periteak de sudo ite temimo kunei Bapa.

YUDAS 1:3

Saudaro-saudaro de tecito! Uku sungguak-sungguak berusaho temulis su'et ngen udi tetang keselamatan de samo-samo ite meding. Tapi uyo uku meraso harus melei nasihat ngen temulis su'et yo utuk udi, supayo udi tep berjuang utuk imen de sudo nelei Allah utuk selamo-lamone ngen umat-Ne.