2 KORINTUS 7:13 - JANJAI BLAU Lem Bahaso Jang Bebilai

¹³ Sebab o ba keme jijai riang. Seluyen penghiburan de keme dapet o, keme lebiak igai sukocito kerno sukocito Titus, sebab udi kute semnang ateine.

2 KORINTUS 7:13 ပူးပေါင်းရင်းမြစ်များ

ROMA 12:15

Beriang-riangba ngen tun de gidong riang, ngen ngindoiba ngen tun de gidong ngindoi!

ROMA 15:32

Ngen awei o, amen Allah kemlokne, uku dapet teko magea udi ngen atei riang. Ngen uku bakea terhibur neak tengeak-tengeak udi.

1 KORINTUS 12:26

Amen do anggota saro, kute anggota luyenne saro kulo; amen do anggota nujai, kute anggota luyenne milau riang.

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

1 KORINTUS 16:18

Tobo'o bi menea atei uku jijai riang, awei tobo'o menea riang atei nu. Tun-tun awei'o harus nego.

2 KORINTUS 2:13

Tapi ateiku coa tenang, kerno uku coa temau ngen Titus saudaro do imen. Mako uku pamit ngen tun-tun neak di o lajau lalau moi Makedonia.

2 KORINTUS 2:3

Do'ba maksud su'etku o, adeba supayo amen uku teko, jibeak uku ibo kerno tobo'o de seharusne menea uku jijai riang. Sebab uku yakin tetang udi kutene bahwo keriangku adeba kulo keriangnu.

2 KORINTUS 7:14

Uku memang bi mujai-mujai udi ngen si. Mujuaba, udi coa semelek uku. Kutene de perneak keme madeak jano de benea ngen udi. Awei o kulo jano de keme nujai tetang udi ngen Titus ternyato benea.

2 KORINTUS 7:15

Uyo si tambeak mengasihi udi, sebab si tinget awei ipe Saudaro kutene lok temotoa pipinanne ngen awei ipe udi temimo si ngen hormat ngen ta'at.

2 KORINTUS 7:6

Tapi Allah, de mibur tun de tembeak atei, bi mibur keme ngen tekone Titus.

FILIFI 2:28

Do'o sebabne tambeak lai kulo kelokku utuk meluak si belek igai ngen udi, supayo udi riang igai amen udi temau ngen si, ngen atei uku kulo jijai tenang.

2 TIMOTIUS 1:16

Tapi keluargo Onesiforus bi kekedau kilai semnang ateiku. Semoga Tuhan melei rahmatne ngen keluargo Onesiforus. Kunyau uku neak lem sel, Onesiforus coa selek ngen keadaan uku o.

FILEMON 1:20

Sebab o, demi Tuhan cuboba tulung uku, riangba ateiku sebagai saudaro neak lem Kristus.

FILEMON 1:7

Saudaro Filemon, kasiaknu te'adep kute umat Allah, bi menea uku jijai riang ngen kuet. Kute umat Tuhan jijai riang kerno Saudaro.

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.