2 KORINTUS 7:1 - JANJAI BLAU Lem Bahaso Jang Bebilai

¹ Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

2 KORINTUS 7:1 ပူးပေါင်းရင်းမြစ်များ

MATIUS 12:33

“Utuk dapet bueak de baik, punne coa subur. Amen punne harus subur, bueakne coa baik kulo. Subur coane suatupun tekeliak kunei bueakne.

MATIUS 5:48

Kerno'o harusba udi sempurno serai ngen Allahnu de ade neak surgo.”

MATIUS 5:8

Allah melei rahmat ngen tun de sucai ateine; tobo'o bakea kemliak Allah.

KISAH RASUL-RASUL 9:31

Mako jemaat neak kute Yudea, Galilea, Samaria jijai aman. Roh Sucai temulung, tobo'o idup lem saben bakea Tuhan, jemaat-jemaat o betambeak kuet, betambeak dau.

ROMA 5:20

Tapi hukum agamo Yahudi tenambeak, supayo pelanggaran jijai tambeak dau; ngen neak ipen duso tambeak dau, neak di kasih karunia jijai berlimpah.

1 KORINTUS 6:20

Allah bi temukua udi ngen bi masen udi lunas. Sebab'o, muliakanba Allah ngen awoknu.

2 KORINTUS 1:20

Sebab liwet Si Allah bi madeak “Au” teadep kute janjai-Ne. Kerno o ba ite mucep “Amin” ngen Allah kerno Yesus Kristus. Keme menea awei o supayo Allah mulio.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

1 TESALONIKA 3:13

Ngen awei o Tuhan bakea kemuet ateinu, sehinggo udi sucai ngen coa cacet neak adep Allah Bapa ite, pado waktau Tuhan ite Yesus teko besamo kute tun de jijai de Si temuan.

1 TESALONIKA 4:7

Allah menok ite, iso supayo ite idup cabul, meluyen supayo ite idup ngen ca'o de semnang atei-Ne.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

IBRANI 12:28

Kerno o, lok ba ite mucep mokasiak ngen Allah, karno ite temimo kunei Si sesuaktau kerajaan de coa dapet genuyang. Lokba ite mokasiak, beribadah ngen Allah. Hormat ngen saben, temurut ca'o de kenlok-Ne suang.

IBRANI 4:1

Nah, janjai Allah masiak berlaku, ite bakea nelei istirahat de jenanjai-Ne. Jijai, lokba ite jemago supayo jibeak ade suang kulo kunei udi de coa meding istirahat de jenanjai o.

IBRANI 6:9

Tapi Saudaro-saudaro de tercito, kunyau keme madeak awei o, tapi keme yakin tetang udi. Keme yakin bahwo udi bi temimo hal-hal de baik, adeba berkat-berkat de adeba bagian kunei keselamatannu.

YAKOBUS 4:8

Na'okba Allah, Allah kulo bakea ma'ok udi. Mpukba tangennu, udi de beduso! Ngen senucaiba ateinu, udi menduai atei!

1 PETRUS 1:15

Sebelekne, lokba udi sucai lem kute sesuaktau de udi nea, serai awei Allah de menok udi o sucai.

1 PETRUS 1:17

Udi madeak Allah o Bapa pado waktau udi bedu'o ngen-Si. Nah, Allah do'oba de mukum api bae setimpal ngen perbuatan masing-masing. Sebab o selamo udi masiak ade neak dunio yo, lokba udi mengagungkan Allah lem idupnu.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 1:9

Tapi amen ite ngakau duso-duso ite ngen Allah, Si bakea melei janjai-Ne ngen menea jano de adea. Si bakea mapun duso-duso ite ngen semucai ite kunei kute saleak ite.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.