2 KORINTUS 6:3 - JANJAI BLAU Lem Bahaso Jang Bebilai

³ Keme coa lok pelayanan keme senaleak, kerno o keme berusaho coa melei alasan ngen suang tun kulo utuk menea hal o.

2 KORINTUS 6:3 ပူးပေါင်းရင်းမြစ်များ

MATIUS 17:27

Tapi jibeakba ite menea tun-tun'o mengiak. Jijai lalauba moi daneu utuk ngeweya, mokba kan de dute ngen ko temakep, neak lem bibiane'o ko bakea temau matai caci de genep utuk pajak ite beduai. Mokba caci'o, nasen ngen tobo'o pajak ite utuk Bait Allah.”

MATIUS 18:6

“Api semaleak do kunei anok titik yo coa pecayo igai ngen-Ku, lebiak baik butau lai neket moi kagenne ngen si ndem neak laut lem.

KISAH RASUL-RASUL 19:27

Awei yo iso bae usaho ite bakea nino tun, tapi kulo umeak Dewi Artemis, Dewi lai'o, bakea nyep taine. Iso cuma do'o, Artemis suang, de senbeak kute Asia ngen kute dunio de beradap, bakea nyep kebesaranne.”

ROMA 14:13

Kerno o jibeakba ite saling semaleak. Sebelekne berusahoba supayo udi coa menea jejano de menea su'ang saudaro do imen tergoda ngen beduso.

1 KORINTUS 9:12

Amen tun-tun luyen berhok ma'ep dio kunei udi, iso keme lebiak berhok igai kunei tobo'o? Tapi uku ati gemuno hok'o. Sebelekne uku lebiak galok temanggung kute sesuaktau kunei pado menea suaktau hal de temutup dalen bagiak Bito Baik tetang Kristus.

1 KORINTUS 9:22

Neak tengeak-tengeak tun-tun de imenne de coa kuet, uku kulo besikep awei tun de imenne coa kuet supayo uku dapet temarik tobo'o jijai penotoa Kristus. Siketne, uku jijai kekutene utuk kute tun supayo ngen dalen de awei ipe kulo uku dapet semlamat pao kunei tobo'o.

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

2 KORINTUS 8:20

Keme kebiak teatei supayo jibeak ade tun de semaleak keme lem hal semapei sumbangan de lai yo.