2 KORINTUS 5:9 - JANJAI BLAU Lem Bahaso Jang Bebilai

⁹ Kerno o keme berusaho sungguak-sungguak utuk semnang atei-Ne, baik waktau keme masiak ade neak umeak keme neak yo, atau neak di.

2 KORINTUS 5:9 ပူးပေါင်းရင်းမြစ်များ

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

KISAH RASUL-RASUL 10:35

Tun de saben ngen Allah ngen menea de benea, tun o tenimo Allah, coa dulai si kunei bangso jano.

ROMA 14:18

Tun de melayan Kristus seca'o awei o, tun o semnang atei Allah, ngen tun-tun luyen hormat ngen si.

ROMA 14:8

Sebab amen ite idup, ite idup utuk Tuhan, ngen amen ite matei, ite matei utuk Tuhan. Jijai baik idup atau matei, ite adeba de Tuhan temuan.

ROMA 15:20

Cito-cito uku adeba melei namen Bito Baik kunei Allah neak penan-penan neak ipe tun ati temi'uk tetang Kristus. Sebab uku coa lok menea kerjo neak pondasi de pek tun luyen.

1 KORINTUS 15:58

Kerno o, Saudaro-saudaro de uku cemito, lokba udi kuet ngen teguak. Kerjoba terus utuk Tuhan ngen bebenea, sebab udi namen bahwo kute de udi kemerjo utuk Tuhan, coa bakea sesio.

2 KORINTUS 5:6

Kerno o atei keme kuet. Keme namen bahwo selamo keme masiak tinggea neak lem awok keme yo, keme uak kunei umeak de bakea keme tinggea besamo Tuhan.

2 KORINTUS 5:8

Do'o sebabne atei keme sabar. Keme lebiak riang keluea kunei awok keme yo, supayo dapet tinggea besamo Tuhan.

EFESUS 1:6

Tepujaiba Allah de agung, kerno liwet Anok-Ne de tecito Si kebiak sayang ngen ite.

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

KOLOSE 1:29

Utuk dapet hal o uku kerjo keras. Uku berjuang ngen kute tenago de nelei Kristus ngen uku, de bekerjo lem diraiku ngen penuak kuaso.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

1 TESALONIKA 4:11

Berusahoba idup tenang, coa cemapua persoalan-persoalan tun luyen ngen bekerjo ngen tangen, awei de keme pesen ngen udi.

1 TIMOTIUS 4:10

Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

IBRANI 12:28

Kerno o, lok ba ite mucep mokasiak ngen Allah, karno ite temimo kunei Si sesuaktau kerajaan de coa dapet genuyang. Lokba ite mokasiak, beribadah ngen Allah. Hormat ngen saben, temurut ca'o de kenlok-Ne suang.

IBRANI 4:11

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

2 PETRUS 3:14

Sebab o, saudaro-saudaro de tecito, sementaro udi mbot kutene o, berusahoba sungguak-sungguak utuk idup sucai ngen coa ade cacet neak adep Allah, neaba hubungan de baik ngen Allah.