2 KORINTUS 5:11 - JANJAI BLAU Lem Bahaso Jang Bebilai

¹¹ Keme namen jano taine saben ngen Tuhan, kerno o keme berusaho menea tun yakin tetang dirai keme. Allah kebiak namen atei keme ngen te'ang, ngen uku ma'ep udi kulo kemnal keme neak lem ateinu.

2 KORINTUS 5:11 ပူးပေါင်းရင်းမြစ်များ

MATIUS 10:28

Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako.

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

LUKAS 12:5

Uku bakea temunjuk ngen udi api de harus udi saben. Sabenba Si, de sesudo munuak, temuan kuaso utuk mbin tun moi lem nerako. Sesungguakne Uku madeak ngen udi, sabenba Si!

LUKAS 16:31

Tapi Abraham madeak, ‘Amen tobo'o coa temi'uk periteak Musa ngen nebai-nebai, pasetba tobo'o coa bakea masai kulo, kunyau kulo ade tun matei de idup igai.’ ”

KISAH RASUL-RASUL 13:43

Sesudo selesei semyang, dau tun Yahudi ngen penganut-penganut agamo Yahudi de saben ngen Allah, temotoa Paulus ngen Barnabas; keduai rasul'o majea tobo'o ngen melei nasihat supayo tobo'o tep idup neak lem anugrah Allah.

KISAH RASUL-RASUL 18:13

Tobo'o madeak, “Si yo berusaho menea tun nyembeak Allah ngen ca'o de bertentangan ngen Hukum Taurat.”

KISAH RASUL-RASUL 18:4

Tiep bilai Sabat Paulus miling lem umeak semyang ngen berusaho supayo tun-tun Yahudi ngen tun-tun Yunani pecayo ngen Yesus.

KISAH RASUL-RASUL 19:26

Uyo udi suang kemliak ngen temi'uk, awei ipe Paulus, iso bae neak Efesus, tapi kulo gesea neak kute Asia bi mbujuk ngen semset dau tun ngen madeak bahwo jano de nea tangen manusio isoba diwo.

KISAH RASUL-RASUL 26:26

Rajo Agripa kulo namen tetang hal-hal yo. Kerno'o, uku binai miling te'us te'ang ngen si. Uku yakin bahwo coa ade sesuaktau kulo kunei kutene yo de ati si namen, kerno hal yo coa tejijai neak penan de sunyai.

KISAH RASUL-RASUL 28:23

Lajau tobo'o ngen Paulus temtep bilai utuk temau. Pado bilai o tekoba tobo'o lem jumleak lai moi penan tinggea Paulus. Paulus tem'ang, melei saksai ngen tobo'o tetang Allah meriteak sebagai Rajo; temurut Hukum Taurat ngen Bukau Nebai-nebai, Paulus beusaho menea tobo'o pecayo tetang Yesus. Hal o berlangsung kunei pueng sapei pelbeak.

2 KORINTUS 2:17

Keme coa awei dau tun de mesoa utung kunei bito Allah awei barang dagangan bae. Tujuan-tujuan keme adeba benea, sebab keme nelei tugas ngen Allah. Ngen Allah suang kemliak bahwo keme semapei bito o sebagai hamba-hamba Kristus.

2 KORINTUS 5:20

Jijai, keme yo utusan-utusan Kristus, awei Allah melei nasihat ngen udi liwet keme; lem gen Kristus keme minoi ngen udi: Keleiba dirainu damoi nge Allah.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

GALATIA 1:10

Jijai awei ipe uyo: Jano uku mesoa kesukaan manusio atau kesukaan Allah? Atau uku cubo semnang atei manusio? Sekirone uku masiak lok cemubo semnang atei manusio, mako uku isoba hamba Kristus.

EFESUS 5:21

Utuk hormat ngen Kristus, lokba udi tunduk do ngen de luyen.

IBRANI 10:31

Padeak ngerine amen us moi tangen Allah De Idup!

IBRANI 12:29

Sebab Allah ite awei opoi de menea jijai mutung.

YUDAS 1:23

Tarikba tun keluea kunei lem opoi utuk semlamat tobo'o. Te'adep tun-tun luyenne lokba udi temunjuk belas kasih senerto perasaan saben, tapi jengikba bahkan keracok tobo'o kulo de bi nelngei ngen klok tobo'o de beduso.

WAHYU 20:15

Tun-tun de genne coa tetulis neak lem Bukau Tun Idup, nuang moi lem lautan opoi.