2 KORINTUS 5:10 - JANJAI BLAU Lem Bahaso Jang Bebilai

¹⁰ Sebab paset ite kute bakea mbin moi adep pengadilan Kristus, memasing bakea dapet balasan setimpal ngen plepne neak dunio yo, baik atau kidek.

2 KORINTUS 5:10 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

KISAH RASUL-RASUL 10:42

Si meluak keme melei namen Bito Baik o ngen tun-tun, melei saksai bahwo Si de naket Allah jijai hakim tun-tun de masiak idup ngen tun-tun de sudo matei.

KISAH RASUL-RASUL 17:31

Kerno Si bi tem'tep suaktau bilai ketiko Si ngen Adea makim dunio ngen suang tun de sudo tentau-Ne, sesudo Si melei ngen kute tun suaktau jaminan tetang hal o ngen midup Si kunei antaro tun matei.”

ROMA 2:16

Hal o bakea keten pado bilai, amen Allah, sesuai ngen Bito Baik de uku melei namen, bakea mukum kute sesuaktau de coa keten lem atei manusio, liwet Kristus Yesus.

ROMA 6:19

Uku madeak hal yo seca'o manusio kerno kelemahan udi. Sebab serai awei udi bi semreak anggota-anggota awoknu jijai hamba de coa benea ngen de kidek utuk maksud-maksud de kidek. Awei o kulo uyo udi harus semreak anggota-anggota awoknu jijai hamba kebenaran de mbin udi ngen kesucian.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

2 KORINTUS 7:3

Uku madeak awei yo, iso utuk mukum udi, sebab nano bi uku madeak bahwo udi bi dapet penan neak lem atei keme, sehinggo ite sehidup sematei.

EFESUS 6:8

Udi namen bahwo tiep tun, baik hamba atau tun bebas, amen si bi menea baik, si bakea temimo balasanne kunei Tuhan.

IBRANI 9:27

Allah bi temtep bahwo manusio matei debat bae, sesudo'o Allah nhukum.

1 PETRUS 4:5

Tapi tobo'o konyo harus melei pertanggungjawaban ngen Allah de sudo siap utuk semidang tun de idup ngen de matei.

WAHYU 2:23

Penotoa-penotoane bakea Uku munuak kulo supayo kute jemaat sadar bahwo Ukuba Si de namen pekeran ngen atei manusio. Uku bakea males udi temurut plep udi masing-masing.

WAHYU 22:12

“Kemliakba dio!” nadeak Yesus, “Coa an igai uku bakea teko ngen mbin upeak utuk males tiep tun temotoa jano de sudo nea ne.