2 KORINTUS 5:1 - JANJAI BLAU Lem Bahaso Jang Bebilai

¹ Kerno keme namen bahwo amen umeak – adeba awok – penan ite diem neak bumai nukea, Allah bakea semiap do umeak neak surgo bagiak ite, do penan de kekal, de iso nea tangen manusio.

2 KORINTUS 5:1 ပူးပေါင်းရင်းမြစ်များ

MARKUS 14:58

“Keme sudo temi'uk tun yo madeak: Uku bakea mubuak Bait Sucai de nea ngen tangen manusio yo ngen lem telau bilai bakea, ‘Uku temgok de luyen, de iso nea tangen manusio.’ ”

KISAH RASUL-RASUL 7:48

Tapi Allah De Maha Lekat coa tinggea neak lem umeak de nea manusio; sebab neak lem kiteb nebai tetulis awei yo,

1 KORINTUS 3:9

Keme adeba samo-samo kerjo utuk Allah; ngen udi adeba awei kebun Allah. Saudaro-saudaro adeba awei gedung Allah.

2 KORINTUS 4:7

Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

2 KORINTUS 5:4

Selamo ite tinggea neak lem umeak de kunei dunio yo, ite gerunyam kerno bebante benek. Iso kerno ite lok mpas kunei awokte de kunei dunio yo, tapi kerno ite lok makei awok de kunei surgo o, supayo awokte de pacok matei yo kenuaso de idup.

KOLOSE 2:11

Kerno jijai do ngen Kristus, udi bi senunat, iso sunat de nea manusio, meluyen ngen sunat de nea Kristus, de mbebas udi kunei duso.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

IBRANI 11:10

Sebab Abraham gidong mbot kota de rencano ngen nea Allah ngen pondasi de kuet.

IBRANI 9:11

Tapi Kristus bi teko sebagai Imem Lai kunei hal-hal de baik de sudo ade. Kemah Tuhan neak ipe Si kemerjo tugas-Ne sebagai Imem Lai adeba kemah de lebiak agung ngen lebiak sempurna. Do'o iso nea manusio; taine iso kunei dunio de nea uyo.

IBRANI 9:24

Sebab Kristus coa masuk moi Ruang Sucai nea manusio, de cuma jijai lambang Ruang Sucai de sebeneane. Kristus masuk moi surgo suang; neak di Si uyo madep Allah utuk kepetingan ite.

1 PETRUS 1:4

Ite maʼep utuk temuan berkat-berkat de seniap Allah utuk umat-Ne, adeba berkat-berkat de naik-Ne neak surgo, sehinggo coa dapet usak, jijai usuk atau luntur.

2 PETRUS 3:11

Kerno kutene o bakea najua ngen ca'o de awei'o, awei ipe seharusne udi idup? Udi harus idup sucai ngen khusus utuk Allah,

1 YOHANES 3:14

Ite namen bahwo ite bi keluea kunei matei, ngen baliak moi idup. Ite namen do'o, sebab ite mengasiak sesamo saudaro ite. Tun de coa mengasiak, taine masiak kenuaso kematian.

1 YOHANES 3:19

Awei'oba ca'one ite namen bahwo ite asalne kunei anok-anok Allah de benea, ngen atei ite tenang neak adep Allah.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.