2 KORINTUS 4:7 - JANJAI BLAU Lem Bahaso Jang Bebilai

⁷ Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

2 KORINTUS 4:7 ပူးပေါင်းရင်းမြစ်များ

MATIUS 13:44

“Amen Allah meriteak, keadaanne awei perumpamo yo: Ade harto de tependam neak pitok lajau tenmau ngen su'ang tun, ngen nasuk igai hartone moi lem pitok. Sudo'o kerno kembiak riangne, tun'o lalau jemuea kute hartone, lajau belek igai ngen temukua taneak'o.”

MATIUS 13:52

Lajau Yesus madeak, “Do'o sebabne tiep Gu'au Agamo de sudo ijai anggota umat Allah, adeba awei suang tuan umeak de kemluea kunei hartone barang-barang be lau ngen an.”

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

1 KORINTUS 1:28

Allah miliak de nanggap-Ne rendeak, hino, malah de nanggap coa de taine ngen dunio yo, supayo Allah majua de nanggep penting ngen dunio.

2 KORINTUS 10:10

Tun madeak, “Su'et-su'et Paulus o tegas ngen berwibawa, tapi amen si suang ade neak tengeak-tengeak ite, pribadinya lemah ngen kecek-kecekne coa ade taine!”

2 KORINTUS 13:4

Memang pado waktau Si senalib, Si lemah, tapi uyo Si idup kerno kuaso Allah. Keme kulo lemah lem idup keme de jijai do ngen Kristus, tapi amen madep udi, keme kulo kuet besamo Kristus kerno kuaso Allah.

2 KORINTUS 4:1

Keme menea kerjo yo kerno Allah baik. Do'o sebabne keme coa putus asa.

2 KORINTUS 5:1

Kerno keme namen bahwo amen umeak – adeba awok – penan ite diem neak bumai nukea, Allah bakea semiap do umeak neak surgo bagiak ite, do penan de kekal, de iso nea tangen manusio.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

EFESUS 2:5

sehinggo pado waktau ite masiak matei seca'o rohani kerno pelanggaran pelanggaran ite, Si midup ite igai besamo-samo Kristus. Jijai, cuma kerno baikne atei Allah, udi senlamat-Ne.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 2:12

Sebab pado waktau udi dibaptis, udi kenubua besamo-samo Kristus; ngen baptisan o kulo, udi kulo nidup igai besamo-samo Kristus kerno udi pecayo ngen kuaso Allah de bi midup Kristus kunei matei.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

1 TESALONIKA 1:5

Sebab keme semapei Bito Baik ngen udi iso ngen kecek-kecek bae, tapi kulo ngen kuaso Roh Allah. Ngen keme yakin sekilai ngen kebenaran Bito Baik o. Udi namen awei ipe keme idup utuk kepetingannu ketiko keme ade neak tengeak-tengeak udi.

1 TESALONIKA 4:4

Tiep smanei neak antaro udi harus namen awei ipe idup besamo ngenyanne ngen ca'o semnang atei Allah ngen manusio.

2 TIMOTIUS 2:20

Neak lem umeak de lai ade memecem perabot. Ade de nea kunei pirok atau emas, tapi ade kulo de nea kunei kieu atau pitok. Ade de nakei utuk keperluan istimewa, ade kulo de nakei utuk keperluan biaso.