2 KORINTUS 4:5 - JANJAI BLAU Lem Bahaso Jang Bebilai

⁵ Bito de keme semapei o isoba bito tetang dirai keme suang. Bito o adeba bito tetang Yesus Kristus; bahwo Si adeba Tuhan; ngen keme adeba hamba-hambanu kerno Si.

2 KORINTUS 4:5 ပူးပေါင်းရင်းမြစ်များ

MATIUS 23:8

Tapi udi, jibeak lok endeu pak gu'au, kerno cuma ade do gu'aunu ngen udi kutene adeba pasuak.

MATIUS 3:11

Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas.

YOHANES 7:18

Api bae gi madeak kunei diraine suang, Si mesoa hormat bagiak dirai-Ne suang. Tapi api bae de mesoa hormat bagiak si de mutusne, si benea ngen coa ade de coa benea ngen Si.

KISAH RASUL-RASUL 10:36

Do'oba firman de Si semapei ngen tun-tun Israel waktau si melei namen damoi sejahtera liwet Yesus Kristus de adeba Tuhan kunei kute tun.

KISAH RASUL-RASUL 2:36

Do'o sebabne kute tun Israel arus namen nien bahwo Yesus de udi senalib o, Yesus do'oba kulo de sudo jenanjai Allah jijai Tuhan ngen Rajo Penyelamat!”

KISAH RASUL-RASUL 5:31

Allah sudo melei ngen Si penan ngen kuaso de lekat awei Pemipin ngen Penyelamat; supayo bangso Israel nelei kesempatan utuk betobat kunei duso-dusone ngen dapet apun.

1 KORINTUS 1:23

Tapi ite yo cuma melei namen Kristus de matei senalib. Bito o seminggung atei tun Yahudi, naggep mike ngen tun-tun iso Yahudi.

1 KORINTUS 10:33

Idupba awei uku. Uku berusaho semnang atei kute tun lem dau hal, coa gen maksud utuk kepentingan dirai suang. Tujuan uku cuma supayo tobo'o kutene dapet selamat.

1 KORINTUS 12:3

Udi harus namen bahwo tun de nipin Roh Allah coa nam miling, “Tekutukba Yesus!” Awei'o kulo coa ade suang dapet madeak, “Yesus adeba Tuhan!” amen tun o coa nipin Roh Allah.

1 KORINTUS 15:47

Adam de pertamo jenijai kunei pitok, tapi Adam de keduai asalne kunei surgo.

1 KORINTUS 2:2

Sebab uku bi menea keputusan utuk coa lok namen jejano neak antaro udi seluyen Yesus Kristus, adeba Si de senalib.

1 KORINTUS 4:15

Sebab ukuba de jijai bak udi, mukin sebagai tun Kristen, udi bi temuan puluak ribau gu'au. Neak lem idupnu sebagai tun-tun de jijai do ngen Kristus, uku de jijai baknu, kerno uku de mbin Bito Baik tetang Kristus ngen ko.

1 KORINTUS 8:6

Tapi bagiak ite, Allah cuma do. Si Bapa de menea kute sesuaktau. Utuk Siba ite idup. Tuhan cuma do kulo, adeba Yesus Kristus. Liwet Si kutene nea, kerno Siba mako ite idup.

2 KORINTUS 1:19

Kerno Yesus Kristus, Anok Allah, de sudo keme melei namen neak tengeak-tengeak udi, ngen Silas, Timotius, ngen uku suang isoba tun “Au” ngen “Coa” tapi sebelekne neak lem Si cuma ade “Au”.

2 KORINTUS 1:24

Uku coa makso udi tetang jano de udi harus pecayo, sebab udi bi kembiak pecayo ngen Kristus. Uku cuma kerjosamo ngen udi supayo udi tambeak bahagia.

GALATIA 5:13

Saudaro bi nok utuk jijai tun de bebas. Tapi jibeakba makei kebebasannu o utuk bogoa menea jano bae de udi lok nea. Sebelekne, udi harus samo-samo mengasihi ngen samo-samo melayani.

FILIFI 1:15

Memang ade kekedau neak antaro tobo'o de melei namen Kristus kerno iri ngen lok tekea, tapi de luyenne melei namen Kristus kerno ade maksud de baik.

FILIFI 2:11

Tobo'o kutene bakea makau bahwo Yesus Kristusba Tuhan; ngen awei yo mulioba Allah Bapa.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

TITUS 1:11

Tun-tun awei o harus bibiane npem, sebab tobo'o kemacau dau keluargo ngen ajaran-ajaran de coa ade gunone. Tobo'o menea o cuma kerno lok mesoa utung de coa patas!

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.