2 KORINTUS 4:2 - JANJAI BLAU Lem Bahaso Jang Bebilai

² Keme coa makei ca'o-ca'o de menea selek. Keme coa lok kerjo ngen ca'o licik atau menea coa benea kecek Allah. Keme melayan Allah ngen atei baik temurut kelok-Ne. Sebab o, keme minoi kute tun kemliak keme ngen baik neak lem ateine.

2 KORINTUS 4:2 ပူးပေါင်းရင်းမြစ်များ

ROMA 1:16

Sebab uku temuan keyakinan de kuet lem Bito Baik o, kerno Bito Baik adeba kekuatan Allah de semlamat tiep tun de pecayo, pertamo-tamo tun Yahudi, tapi kulo tun Yunani.

ROMA 6:21

Ngen asea jano de udi dapet kunei padone? Kutene o jijai sebab udi meding selek uyo, kerno kutene o adeba kematian.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

2 KORINTUS 11:6

Mukin uku ku'ang pacok miling, tapi tetang pengetahuan, uku iso tun de bodong. Do'o sudo keme melei bukti ngen udi lem kute hal.

2 KORINTUS 2:17

Keme coa awei dau tun de mesoa utung kunei bito Allah awei barang dagangan bae. Tujuan-tujuan keme adeba benea, sebab keme nelei tugas ngen Allah. Ngen Allah suang kemliak bahwo keme semapei bito o sebagai hamba-hamba Kristus.

2 KORINTUS 5:11

Keme namen jano taine saben ngen Tuhan, kerno o keme berusaho menea tun yakin tetang dirai keme. Allah kebiak namen atei keme ngen te'ang, ngen uku ma'ep udi kulo kemnal keme neak lem ateinu.

2 KORINTUS 6:8

Keme dihormati, tapi nino kulo; nujai, tapi fitneak kulo. Kunyau keme jujur, keme tenuduak tukang ngike.

2 KORINTUS 7:14

Uku memang bi mujai-mujai udi ngen si. Mujuaba, udi coa semelek uku. Kutene de perneak keme madeak jano de benea ngen udi. Awei o kulo jano de keme nujai tetang udi ngen Titus ternyato benea.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

EFESUS 5:12

Sebab hal-hal de tobo'o nea seca'o bebunyin, utuk nadeak kulo bi selek.)