2 KORINTUS 4:1 - JANJAI BLAU Lem Bahaso Jang Bebilai

¹ Keme menea kerjo yo kerno Allah baik. Do'o sebabne keme coa putus asa.

2 KORINTUS 4:1 ပူးပေါင်းရင်းမြစ်များ

LUKAS 18:1

Yesus madeak do perumpamo ngen tobo penotoa-penotoane utuk temgas, bahwo tobo'o harus bogoa bedu'o ngen coa jejemau.

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

1 KORINTUS 7:25

Uyo tetang tun-tun de ati nikeak. Tetang hal'o, uku coa temimo periteak kunei Tuhan. Tapi sebagai tun de kerno rahmat Tuhan patut cenayo, uku lok melei nasehat ku.

2 KORINTUS 3:12

Kerno keme temuan harapan de awei o, mako keme binai madeak awei o.

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

2 KORINTUS 4:16

Do'oba sebabne keme coa putus asa. Kunyau manusio lahiriah keme tambeak merosot, tapi manusio batiniah keme jijai blau tiep bilai.

2 KORINTUS 5:18

Kutene yo kunei Allah, ngen perantaraan Kristus bi ndamoi ite ngen dirai-Ne, ngen Kristus bi melei kepercayaan pelayanan perdamaian o ngen keme.

GALATIA 6:9

Jibeakba ite bosan menea baik, kerno amen bi sapei waktaune, ite bakea dapet asea, amen ite coa jijai lemah.

EFESUS 3:13

Sebab o, uku minoi ngen udi, jibeakba khawatir tetang kesaroku kerno udi, sebab kutene o utuk kebaikannu.

FILIFI 4:13

Ngen kuaso de nelei Kristus ngen uku, uku temuan kekuatan utuk madep kute mecem keadaan.

2 TESALONIKA 3:13

Tapi udi jibeak jemau menea baik.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

IBRANI 12:3

Cubo meker akuaro sarone Yesus madep tun-tun beduso de melawen-Si ngen kembiak sengit! Sebab o jibeakba titik atei ngen putus smanget.

1 PETRUS 2:10

Bel'o udi iso umat Allah, tapi uyo udi adeba umat Allah. Bel'o udi coa kenasiak Allah, tapi uyo udi temimo belas kasihan-Ne.

WAHYU 2:3

Udi tep sabar ngen udi saro kerno Uku, ngen udi coa putus asa.