2 KORINTUS 3:6 - JANJAI BLAU Lem Bahaso Jang Bebilai

⁶ Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

2 KORINTUS 3:6 ပူးပေါင်းရင်းမြစ်များ

YOHANES 6:63

Roh Allah de melei idup, daging samo sekilai coa beguno. Kecek-kecek de Uku madeak ngen udi adeba roh ngen idup.

ROMA 7:6

Tapi uyo ite bi bebas kunei hukum agamo Yahudi, sebab ite bi matei utuk si, de kem'ung ite, sehinggo ite uyo melayani lem keadaan blau temurut Roh ngen iso lem keadaan an temurut hukum agamo Yahudi.

ROMA 8:2

Roh, de melei idup bi mbebas udi lem Kristus kunei hukum duso ngen hukum maut.

IBRANI 12:24

Udi teko madep Yesus, Pengantara utuk janjai de belau o; udi madep daleak percikan de menjamin hal-hal de uak lebiak baik kunei de jenamin daleak Habel.

IBRANI 7:22

Ngen dio kulo Yesus jijai jaminan utuk suaktau janjai de lebiak baik.

2 KORINTUS 3:14

Pekeran tobo'o bi tetutup. Sapei pado bilai yo kulo pekeren tobo'o masiak tetutup ngen selikep pado waktau tobo'o mbaco bukau-bukau tetang janjai de an. O coa tukok, kerno cumu lem Kristus selikep o nam tukok.

1 KORINTUS 15:45

Lem Kiteb Sucai tetulis aweiyo, “Manusio de pertamo, adeba Adam, jijai makhluk de idup,” tapi Adam de terakhir adeba Roh de melei idup.

ROMA 3:20

Sebab coa su'ang tun kulo dapet benea neak adep Allah kerno kemerjo hukum agamo Yahudi, kerno justru hukum agamo Yahudi tun kemnal duso.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

LUKAS 22:20

Awei'o kulo nea-Ne ngen makuk anggur sesudo mukmei; Si madeak, “Makuk anggur yo adeba perjanjian belau de nsah ngen daleak-Ku, de tenupeak bagiak udi.”

1 KORINTUS 11:25

Awei'o kulo sesudo mbuk ruti, Tuhan mok caker anggur lajau madeak, “Anggur yo adeba janjai Allah de blau, jijai sah ngen daleak-Ku. Tiep kilai udi menem yo, neaba dio utuk minget Uku.”

MATIUS 13:52

Lajau Yesus madeak, “Do'o sebabne tiep Gu'au Agamo de sudo ijai anggota umat Allah, adeba awei suang tuan umeak de kemluea kunei hartone barang-barang be lau ngen an.”

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 TIMOTIUS 4:6

Amen ko majea kutene o ngen Saudaro-saudaro do imen, ko bakea jijai pelayan Kristus Yesus de bekerjo ngen baik. Ngen ko bakea mupuk batinnu ngen kecek Allah de ite pecayo, ngen ajaran-ajaran de benea de sudo tenotoanu ke'an yo.

EFESUS 3:7

Kunei Bito Baik o uku bi jijai pelayanne temurut pelei anugerah Allah, de nelei ngen uku liwet kuaso Allah de kerjo neak lem diraiku.

GALATIA 3:21

Jano do'o taine bahwo hukum agamo belawen ngen janjai Allah? Paset bae coa! Sebab amen hukum agamo nelei sebagai suaktau de dapet midup, mako memang kebenaran asalne kunei hukum agamo.

2 KORINTUS 3:7

Pado waktau janjai de mbin matei o nea ngen nukir neak butau, cahayo Allah besinea teang neak papea Musa. Cahayone kebiak te'ang sehinggo bangso Israel coa sanggup kemliak papea Musa, kunyau cahayo neak papea o muloi pudea pado waktau o. Amen pelayanan o teko ngen kemulioan de awei o,

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

ROMA 4:15

Kerno hukum agamo Yahudi mako tejijaiba hukuman Allah, tapi neak ipe coa ade hukum agamo Yahudi, neak di kulo coa ade pelanggaran.

YOHANES 5:21

Sebab serai awei Bapa midup igai tun-tun matei, awei yo kulo Anok midup igai api bae de kelok Ne.

MARKUS 14:24

Ngen Si madeak ngen tobo'o, “Dioba daleak-Ku, daleak perjanjian de tenupeak bagiak dau tun.

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

2 KORINTUS 3:9

Amen pelayanan de mipin ngen penghukuman o mulio, padeak lebiak mulione igai pelayanan de mipin ngen pembenaran.

ROMA 4:17

Awei ade tetulis, “Ko sudo uku menea jijai Bapa dau bangso.” Awei'oba Allah melei janjai o ngen Abraham. Ngen Abraham pecayo ngen-Si. Siba Allah de midup tun matei, Siba kulo Allah de ngen madeak bae menea jano de coa perneak ade jijai ade.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

1 YOHANES 1:1

Isai su'et yo tetang firman de melei idup, adeba firman de sudo ade ayok mulone. Keme bi temi'ukne, kemliakne ngen matai keme su'ang. Keme bi kemliakne, bi megongne ngen tangen keme.

2 TIMOTIUS 1:11

Utuk melei namen Bito Baik o ba Allah maket uku jijai rasul ngen gu'au.

EFESUS 2:5

sehinggo pado waktau ite masiak matei seca'o rohani kerno pelanggaran pelanggaran ite, Si midup ite igai besamo-samo Kristus. Jijai, cuma kerno baikne atei Allah, udi senlamat-Ne.

1 KORINTUS 3:10

Sesuoi ngen anugerah Allah, uku sebagai ahli bangunan bi mpek pondasi utuk gedung o, tun luyen temgok gedung neak das pondasi o. Tiep tun harus kemliak bebaik awei ipesi mbangun neak das pondasi o.

EFESUS 2:1

Udi bel'o bi matei kerno pelanggaran-pelanggaran ngen duso-duso udi.

2 KORINTUS 3:3

Tobo'o suang dapet kemliak bahwo Saudaro adeba su'et de tenulis Kristus, de mbo liwet keme. Su'et o tenulis iso ngen dawat, tapi ngen Roh Allah de idup; iso kulo neak das butau tulis, tapi neak lem atei manusio.

2 KORINTUS 11:23

Jano tobo'o pelayan Kristus? – uku madeak awei tun iloa – uku lebiak igai! Uku kerjo lebiak giat; lebiak galok neak lem sel; uku lebiak dau senikso, cet gesea matei.

IBRANI 8:13

Ngen madeak suaktau janjai de blau, Allah menea janjai de pertamo o jijai tuai ngen usang; jano de sudo tuai, bakea segro nyep.