2 KORINTUS 3:5 - JANJAI BLAU Lem Bahaso Jang Bebilai

⁵ Keme coa temuan sesuaktau alasan utuk madeak bahwo keme sanggup menea kerjo yo, tapi Allah de melei kemampuan o ngen keme.

2 KORINTUS 3:5 ပူးပေါင်းရင်းမြစ်များ

LUKAS 21:15

Sebab Uku suang bakea melei ngen udi kecek-kecek bijaksana, sehinggo udi coa dapet nelawen ngen nebantah lawen-lawennu.

LUKAS 24:49

Ngen Uku bakea mbo ngen udi jano de jenanjai Bapa-Ku. Tapi udi arus tinggea neak lem kota yo sapei pasuak nelekep ngen kuaso kunei penan de lekat.”

YOHANES 15:5

Ukuba pun anggur ngen ko ba dan-danne. Api bae de tinggea lem Uku ngen Uku lem si, si bebuak dau, sebab neak luea Uku udi coa dapet menea jejano.

ROMA 15:18

Uku binai madeak awei o cuma tetang jano de sudo nea Kristus liwet uku utuk jijai tun-tun iso Yahudi taat ngen Allah. Uku menea o ngen kecek-kecek atau plep,

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

1 KORINTUS 3:10

Sesuoi ngen anugerah Allah, uku sebagai ahli bangunan bi mpek pondasi utuk gedung o, tun luyen temgok gedung neak das pondasi o. Tiep tun harus kemliak bebaik awei ipesi mbangun neak das pondasi o.

1 KORINTUS 3:6

Uku temanem, Apolos semiram, tapi Allah suangba de menea tanem o idup.

2 KORINTUS 12:9

Tapi Tuhan jemawab, “Cukupba anugerah-Ku bagiaknu, sebab justru lem kelemahanba kuaso-Ku jijai sempurno.” Sebab o, uku lebiak galok ombong das kelemahanku, supayo kuaso Kristus tu'un moi uku.

2 KORINTUS 2:16

Teadep tun-tun de gidong moi kehancuran, keme yo awei mbon kematian de menea matei; tapi teadep tun-tun de gidong senlamat, keme awei mbon um de mbin kehidupan. Nah, api de dapet maneu tugas yo?

2 KORINTUS 4:7

Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

FILIFI 2:13

kerno Allahba de kemerjo neak lem dirainu utuk menea udi rela ngen sanggup semnang atei Allah.

FILIFI 4:13

Ngen kuaso de nelei Kristus ngen uku, uku temuan kekuatan utuk madep kute mecem keadaan.

2 TIMOTIUS 2:2

Ajaran de bel'o bi ko temi'uk kunei uku neak adep tun dau, lokba ko minoi supayo najea kulo ngen tun-tun de dapet pecayo ngen de pacok majea tun luyen.

YAKOBUS 1:17

Tiep pelei de baik ngen hadiah de sempurno tekone kunei surgo, tenu'un Allah, Pencipto kute te'ang neak lenget. Siba Allah de coa bubeak, coa kulo jijai sembab tiep kelem.