2 KORINTUS 3:12 - JANJAI BLAU Lem Bahaso Jang Bebilai

¹² Kerno keme temuan harapan de awei o, mako keme binai madeak awei o.

2 KORINTUS 3:12 ပူးပေါင်းရင်းမြစ်များ

2 KORINTUS 7:4

Uku kebiak pecayo ngen udi; uku kulo kebiak bangga teadep udi. Sekilai kulo keme meding dau saro, atei keme kebiak riang kerno udi.

FILIFI 1:20

De uku kebiak lok ngen ma'ep adeba supayo jibeak sapei uku gagal lem tugasku. Sebelekne uku ma'ep supayo tiep saat, terutamo sekilai uyo, uku dapet bersikap binai sehinggo ngen segenep jiwo ragaku – baik uku idup atau matei – Kristus dimuliakan.

KISAH RASUL-RASUL 4:13

Anggota-anggota sidang pengadilan o selle kemliak kebinai Petrus ngen Yohanes, jano igai tobo'o namen bahwo keduai rasul o adeba tun-tun biaso de coa perneak sekula. Lajau tobo'o sadar bahwo keduai rasul o adeba tun-tun de milau ngen Yesus.

YOHANES 16:29

Nadeak penotoa-penotoa-Ne, “Keliak, uyo Ko te'us te'ang madeak ngen ko coa makei kiasan.

1 TIMOTIUS 3:13

Tun-tun de temulung ngen baik neak lem jemaat, tun bakea hormat ngen jijai tambeak binai miling tetang kepercayaan tobo'o ngen Kristus.

1 TESALONIKA 2:2

Udi namen bahwo ayok keme teko ngen udi neak Tesalonika, keme bi senikso ngen nino neak Filifi. Tapi kunyau dau tun melawen keme, Allah ite bi melei keme kebinai utuk melei namen ngen udi Bito Baik de asalne kunei pado-Ne.

KOLOSE 4:4

Bedu'oba supayo uku dapet jemlas resio o seca'o jelas de awei ipe seharusne.

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 4:13

Neak lem Alkitab ade kecek awei yo, “Uku pecayo, do'o sebabne uku miling.” Ngen awei yo keme kulo pecayo ngen sebab o keme kulo miling.

1 KORINTUS 14:19

Tapi, neak lem pertemuan-pertemuan utuk sembeak Tuhan, uku lebiak galok makei lemo kecek de dapet tun jijai ngertai kunei pado makei beribau kecek lem bahaso de ajaib. Uku lebiak galok awei'o supayo uku dapet majea tun.

KISAH RASUL-RASUL 14:3

Jijai Paulus ngen Barnabas tinggea agok'an neak di. Tobo'o miling ngen binai utuk Tuhan de melei bukti tetang anugrah-Ne, melei ngen tobo'o kuaso utuk menea tando-tando ngen mujizat-mujizat.

KISAH RASUL-RASUL 9:29

Saulus miling ngen bedebat kulo ngen tun-tun Yahudi de makei bahaso Yunani, tapi tobo'o berusaho munuak si.

KISAH RASUL-RASUL 9:27

Sesudo'o Barnabas teko ngensi, lajau mbinne ngen rasul-rasul. Barnabas cemrito ngen tobo'o tetang aweiipe Saulus kemliak Tuhan neak tengeak dalen, aweiipe Tuhan miling ngensi. Barnabas melei namen kulo tetang aweiipe binaine Saulus majea neak Damsyik lem gen Yesus.

YOHANES 16:25

“Kutene yo Uku madeak ngen udi ngen kiasan. Bakea sapei waktaune Uku coa igai madeak ngen udi ngen kiasan, tapi te'us te'ang melei namen tetang Bapa.

YOHANES 10:24

Lajau tun-tun Yahudi gemlung Yesus ngen madeak ngen Si, “Kedau ke'an igai Ko munyau keme ragau-ragau? Amen Ko Rajo Penyelamat, nadeakba de benea ngen keme.”

2 KORINTUS 3:11

Amen sesuaktau de taen cuma sementaro, kebiak te'ang, paset bae sesuaktau de kekal lebiak te'ang igai.

FILIFI 1:14

Ngen kerno uku nasuk sel, dau kunei tun-tun Kristen neak kota yo jijai lebiak yakin igai ngen Tuhan, sehinggo tobo'o tambeak binai melei namen pesen Allah.

FILEMON 1:8

Kerno o, sebagai suang saudaro do imen, uku nam bae meriteak saudaro utuk menea jano de harus saudaro menea.