2 KORINTUS 13:9 - JANJAI BLAU Lem Bahaso Jang Bebilai

⁹ Keme senang amen keme lemah, ngen udi kuet. Keme bedu'o kulo supayo udi jijai sempurno.

2 KORINTUS 13:9 ပူးပေါင်းရင်းမြစ်များ

ROMA 15:2

Sebelekne ite masing-masing harus semnang atei sesamo saudaro ite utuk kebaikanne, supayo imenne tambeak kuet.

1 KORINTUS 1:10

Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

1 KORINTUS 2:3

Uku kulo bi teko ngen ko lem kelemahan, ngen kembiak saben ngen gemtea.

1 KORINTUS 4:10

Kerno Kristus, keme adeba tun bodong, udi tun Kristen de pacok! Keme lemah, udi kuet! Keme nino tun, udi nujai tun!

2 KORINTUS 11:30

Amen uku harus mbangga, mako uku bangga ngen hal-hal de kemten kelemahanku.

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!

2 KORINTUS 13:4

Memang pado waktau Si senalib, Si lemah, tapi uyo Si idup kerno kuaso Allah. Keme kulo lemah lem idup keme de jijai do ngen Kristus, tapi amen madep udi, keme kulo kuet besamo Kristus kerno kuaso Allah.

2 KORINTUS 4:12

Ngen awei o, maut giat neak lem dirai keme ngen idup giat neak lem udi.

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

KOLOSE 1:28

Kristus'oba de keme melei namen ngen tiep tun. Keme minget ngen majea tobo'o kutene ngen kute kebijaksanaan. Tujuan keme adeba supayo tiep tun dapet nemin ngen Allah, sebagai tun de lai lem hal-hal rohani, kerno bi jijai do ngen Kristus.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TESALONIKA 3:10

Lueng kelmen keme bedu'o ngen sungguak-sungguak, supayo ite temau sekadep kunyau lekep jano de udi perlu utuk pecayo ngen Kristus awei ipe seharusne.

2 TIMOTIUS 3:17

Ngen awei o tiep-tiep manusio de Allah temuan, dapet jijai baik.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

IBRANI 6:1

Kerno'o, maroba ite melakeak moi pelajaran-pelajaran tetang kehidupan Kristen de dewasa, jibeak cuma kemliak syari'ah ajaran agamo ite. Jibeak ite mulang igai pelajaran dasar bahwo tun harus bedan menea hal-hal de coa ade gunone, harus pecayo ngen Allah,

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.