2 KORINTUS 13:5 - JANJAI BLAU Lem Bahaso Jang Bebilai

⁵ Cubo udi cemubo dirai suang jano udi benea-benea idup das dasar pecayo ngen Kristus! Paset udi sadar bahwo Kristus Yesus ade neak lem udi! Sebab amen coa awei o, udi coa taen cenubo.

2 KORINTUS 13:5 ပူးပေါင်းရင်းမြစ်များ

1 KORINTUS 11:28

Jijai, tiep tun harus merikso awokne kileak, baruba si buliak mbuk ruti ngen menem anggur o.

1 KORINTUS 9:27

Uku munyau awokku nelatih ngen bennek sapei uku dapet kemuasone. Uku menea awei'o, sebab uku coa lok sapei tejijai bahwo sesudo uku majok tun luyen milau lem perlombaan o, uku suang tenulok.

WAHYU 2:5

Sebab o, tingetba padeak ke'uakne udi bi us! Tobatba kunei duso-dusonu, ngen neaba jano de udi nea semulo. Amen coa, mako uku bakea teko ngen udi, mok kekea lapu o kunei penanne.

GALATIA 6:4

Tiep tun harus merikso diraine suang jano plepne baik jano coa. Amen baik, si buliak bangga das hal o. Tapi jibeakba si mbandingne ngen jano de nea tun luyen.

IBRANI 12:15

Jagoba jibeak sapei ade suang kulo de keluea kunei lingkungan kebaikan atei Allah, supayo jibeak ade de jijai awei tanem de ade acun neak tengeak-tengeak udi sehinggo timboa saro ngen musak dau tun ngen acunne.

1 KORINTUS 11:31

Tapi amen ite merikso dirai ite lebiak dute, ite coa bakea nukum Allah.

TITUS 1:16

Tobo'o madeak bahwo tobo'o kemnal Allah, padahal plep tobo'o temulok-Ne. Tobo'o nyelek, ngen tobo'o coa lok taat; tobo'o adeba tun-tun de coa nam menea de baik.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

YOHANES 14:23

Jawab Yesus, “Amen suang mengasiak Uku, si bakea temotoa firman-Ku ngen Bak-Ku bakea mengasiak si. Keme bakea teko ngen si ngen tinggea sesamo ngen si.

ROMA 8:10

Tapi amen Kristus ade neak lem udi, mako awok memang matei kerno duso, tapi Roh adeba kehidupan kerno kebenaran.

IBRANI 4:1

Nah, janjai Allah masiak berlaku, ite bakea nelei istirahat de jenanjai-Ne. Jijai, lokba ite jemago supayo jibeak ade suang kulo kunei udi de coa meding istirahat de jenanjai o.

1 KORINTUS 9:24

Saudaro paset namen bahwo neak lem perlombaan, kute peserta milau mlilai, tapi cuma do tun de temimo hadiah. Sebab o mlilaiba awei o sehinggo Saudaro temimo hadiahne.

1 KORINTUS 3:16

Jano udi namen bahwo udi adeba Bait Allah? Ngen bahwo Roh Allah tinggea neak lem udi?

YOHANES 15:4

Tinggea ba neak lem Uku ngen Uku neak lem udi. Serai awei dan coa dapet bebuak kunei diraine suang, amen si coa tinggea neak punne. Awei o kulo udi, udi coa bebuak, amen udi coa tinggea lem Uku.

TITUS 2:2

Nasehatba tun semanei-semanei de tu'ai, supayo tobo'o tema'en dirai, bijaksana ngen idup sebagai tun de patut nego. Tobo'o harus kulo bepegong pado ajaran de benea kunei Allah, mengasihi ngen sempurno, saro ngen tabah.

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

YOHANES 17:26

Uku bi melei namen ngen Ko, tobo'o ngen Uku bakea melei namenne, supayo kasiak de Ko melei ngen Uku ade neak lem tobo'o ngen Uku neak lem tobo'o.”

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

GALATIA 4:19

Hoi, anok-anokku, uku uyo menderita igai kerno udi. Uku menderita awei suang ibu menderita pado waktau melaher. Uku bakea terus menderita, amen sifet-sifet Kristus ati ade neak lem ateinu.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

1 KORINTUS 6:19

Udi harus namen bahwo awoknu adeba penan tinggea Roh Allah. Roh o tinggea neak lem udi. Ngen Allah suangba de melei roh o ngen udi. Awok Saudaro iso de ko temuan. Do'o Allah de temuan.

1 KORINTUS 6:2

Atau udi coa namen, bahwo umat Allah bakea mukum dunio yo? Jijai, amen memang udi bakea mukum dunio yo, jano udi coa sanggup semlesei pekaro-pekaro pengadilan de coa ade taine?

YOHANES 6:56

Tun de mbuk daging-Ku ngen menem daleak-Ku, tep jijai do ngen Uku, ngen Uku ngen si.

YOHANES 6:6

Hal'o de nadeak-Ne utuk cenubo Filipus, sebab Si suang namen jano de lok nea-Ne.

1 PETRUS 5:9

Nelawenba si ngen imen de teguak, sebab udi namen bahwo saudaro-saudaro sesamo Kristen luyenne neak kute dunio kulo menderita awei udi.

IBRANI 6:8

Tapi amen neak o pitok idup lalang ngen sekejut, mako pitok o coa ade gunone, be bakea keno kutuk Allah ngen akhirne nembem sapei abis.

1 KORINTUS 6:15

Saudaro-saudaro namen bahwo awoknu adeba anggota awok Kristus. Jijai, jano buliak uku mok do anggota awok Kristus lajau jenijaine anggota awok suang selawei nakea? Sekilai bae coa!

ROMA 1:28

Sebab manusio coa meraso perlu kemnal Allah, mako Allah munyau pekeran tobo'o jijai usak, sehinggo tobo'o menea hal-hal de tobo'o coa buliak menea.

TITUS 1:13

Jano de nadeak nebai o memang benea. Do'o sebabne ko harus tema'ok tobo'o seca'o tegas; supayo tobo'o tep bepegong ngen ajaran de benea.

2 TIMOTIUS 3:8

Serai awei Yanes ngen Yambres melawen Musa, awei o kulo tun-tun o melawen ajaran kunei Allah. Pekeran tobo'o bi usak, ngen imen tobo'o bi coa kuet.

1 TIMOTIUS 2:15

Tapi selawei bakea senlamat kerno melaher anok, asl si tep pecayo ngen Kristus, tep mengasihi tun luyen serto idup cuma utuk Allah.

KOLOSE 2:19

sehinggo coa igai bepegong pado Kristus de jijai pemipin. Neak beak pipinan Kristus, kute awok jenago ngen jenijai do ngen sendai-sendaine, serto idup temurut kelok Allah.