2 KORINTUS 12:9 - JANJAI BLAU Lem Bahaso Jang Bebilai

⁹ Tapi Tuhan jemawab, “Cukupba anugerah-Ku bagiaknu, sebab justru lem kelemahanba kuaso-Ku jijai sempurno.” Sebab o, uku lebiak galok ombong das kelemahanku, supayo kuaso Kristus tu'un moi uku.

2 KORINTUS 12:9 ပူးပေါင်းရင်းမြစ်များ

MATIUS 28:18

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

MATIUS 28:20

Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

LUKAS 21:15

Sebab Uku suang bakea melei ngen udi kecek-kecek bijaksana, sehinggo udi coa dapet nelawen ngen nebantah lawen-lawennu.

1 KORINTUS 10:13

Tiep cobaan de Saudaro meding adeba cobaan de patut ending manusio. Tapi Allah setia pado janjai-Ne. Si coa bakea munyau Saudaro cemubo lebiak kunei kemampuannu. Pado waktau Saudaro dapet cobaan, Tuhan bakea melei dalen ngen ko utuk jijai kuet supayo Saudaro dapet betaen.

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

1 KORINTUS 2:3

Uku kulo bi teko ngen ko lem kelemahan, ngen kembiak saben ngen gemtea.

1 KORINTUS 2:5

Uku menea awei o, supayo kepercayoannu ngen Kristus coa das dasar kebijaksanaan manusio, meluyen das dasar kuaso Allah.

2 KORINTUS 11:30

Amen uku harus mbangga, mako uku bangga ngen hal-hal de kemten kelemahanku.

2 KORINTUS 12:1

Memang coa ade utungne uku ombong. Tapi uku lok kulo ombong ngen hal-hal de Allah kemten ngen uku lem Wahyu atau lem pengeliak.

2 KORINTUS 12:10

Kerno o, uku riang ngen rela neak lem kelemahan, neak lem sikso, neak lem saro, neak lem penganiayaan ngen sengsaro kerno Kristus. Sebab amen uku lemah, mako uku kuet.

2 KORINTUS 12:15

Kerno o, ngen riang atei uku rela melei kekutene utuknu, bahkan diraiku suang kulo, jano patas udi ku'ang mengasihi uku?

2 KORINTUS 12:5

Tetang tun o ba de lok uku mbangga, iso tetang diraiku suang, seluyen das kelemahan-kelemahanku.

EFESUS 3:16

Uku bedu'o semoga Allah de maho mulio kemuet batinnu ngen Roh-Ne.

FILIFI 4:13

Ngen kuaso de nelei Kristus ngen uku, uku temuan kekuatan utuk madep kute mecem keadaan.

KOLOSE 1:11

Semoga ngen kuaso kunei Allah de agung, udi kenuet sehinggo udi sanggup meding saro kute sesuaktau ngen sabar, senang atei

1 TIMOTIUS 1:14

Malah anugerah Tuhan te o bi nelei ngen uku. Si melei ngen uku kepacok utuk pecayo ngen-Si, mengasihi sesamo manusio. Kepacok o nelei ngen ite kute de sudo jijai do ngen Kristus Yesus.

IBRANI 11:34

Madem opoi de lai, coa keno tikem pedang. Tobo'o coa dayo, tapi jijai kuet; tobo'o perkasa maleak pasukan-pasukan bangso asing.

IBRANI 4:16

Kerno o, maroba ite ngen kembiak binai madep Allah de meriteak ngen baik atei. Allah bakea selen ngen ite, memberkati ite supayo ite dapet pertolongan tepat pado waktaune.