2 KORINTUS 11:6 - JANJAI BLAU Lem Bahaso Jang Bebilai

⁶ Mukin uku ku'ang pacok miling, tapi tetang pengetahuan, uku iso tun de bodong. Do'o sudo keme melei bukti ngen udi lem kute hal.

2 KORINTUS 11:6 ပူးပေါင်းရင်းမြစ်များ

1 KORINTUS 1:17

Kristus mutus uku iso utuk mbaptis tun, meluyen utuk melei namen Bito Baik kunei Allah; ngen do'o kulo harus uku nea ngen coa makei kepacok miling seca'o manusio, kunyau kunei mateine Kristus pado salib coa jijai sesio.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 KORINTUS 12:8

Ngen de suang, Roh o melei kesanggupan utuk miling ngen kuaso. Ngen de luyen Roh de serai o melei kesanggupan utuk jemlas tetang Allah.

1 KORINTUS 2:13

Kerno o, amen keme jemlas hal-hal tetang Allah ngen tun-tun de temuan Roh Allah. Keme coa madeakne ngen temurut kebijaksanaan manusio, meluyen temurut ajaran Roh Allah.

2 KORINTUS 10:10

Tun madeak, “Su'et-su'et Paulus o tegas ngen berwibawa, tapi amen si suang ade neak tengeak-tengeak ite, pribadinya lemah ngen kecek-kecekne coa ade taine!”

2 KORINTUS 12:12

Tando-tando suang rasul bi kenten neak tengeak-tengeak udi ngen kute kesabaran liwet tando-tando, mujizat-mujizat ngen kuaso-kuaso.

2 KORINTUS 4:2

Keme coa makei ca'o-ca'o de menea selek. Keme coa lok kerjo ngen ca'o licik atau menea coa benea kecek Allah. Keme melayan Allah ngen atei baik temurut kelok-Ne. Sebab o, keme minoi kute tun kemliak keme ngen baik neak lem ateine.

2 KORINTUS 5:11

Keme namen jano taine saben ngen Tuhan, kerno o keme berusaho menea tun yakin tetang dirai keme. Allah kebiak namen atei keme ngen te'ang, ngen uku ma'ep udi kulo kemnal keme neak lem ateinu.

2 KORINTUS 6:6

Ngen atei sucai, bijaksano, sabar ngen baik atei; lem Roh Kudus ngen kasih de tulus ikhlas;

2 KORINTUS 7:2

Keleiba penan bagiak keme neak lem atei udi! Keme coa perneak menea saleak teadep suang tun kulo, coa suang tun kulo de keme nea jijai rugai, ngen keme coa mesoa utung kunei suang tun kulo.

EFESUS 3:4

Amen udi mbacone, udi dapet namen resio tetang Kristus awei de uku mahamne.