2 KORINTUS 10:8 - JANJAI BLAU Lem Bahaso Jang Bebilai

⁸ Uku coa selek amen uku harus lebiak dau mbangga ngen kuaso de sudo nelei Tuhan ngen keme, sebab kuaso o nelei utuk temgok udi, iso utuk mubuak udi.

2 KORINTUS 10:8 ပူးပေါင်းရင်းမြစ်များ

2 KORINTUS 1:24

Uku coa makso udi tetang jano de udi harus pecayo, sebab udi bi kembiak pecayo ngen Kristus. Uku cuma kerjosamo ngen udi supayo udi tambeak bahagia.

2 KORINTUS 10:4

Senatai-senatai keme lem perjuangan iso senjato duniawi, meluyen senjato de lengkap ngen kuaso Allah, de sanggup utuk mubuak benteng-benteng.

2 KORINTUS 10:9

Uku coa lok udi meraso bahwo uku nyaben udi ngen su'et-su'et ku.

2 KORINTUS 12:19

Bi an agokne udi sako bahwo keme lok mbela dirai te'adep udi. Neak adep Allah ngen demi Kristus keme madeak: Kutene yo, Saudaro-saudaroku terkasih, tejijai utuk mbangun imen udi.

2 KORINTUS 12:6

Seandaine uku lok kulo mbangga sesuaktau, uku coa lok jijai tukang mike de miling coa benea. Tapi uku temaen diraiku, supayo jibeak ade tun de peker tetang uku lebiak kuneipado de tobo'o kemliak ngen uku atau de tobo'o temi'uk kunei uku.

2 KORINTUS 13:10

Do'oba sebabne uku temulis su'et yo pado waktau uku ati ade neak tengeak-tengeak udi. Ngen awei o, amen uku teko be, coa perlu uku bertindok tegas teadepnu ngen makei kuaso de nelei Tuhan ngen uku. Kuaso o nelei utuk mbangun udi, iso utuk majua.

2 KORINTUS 13:8

Kerno keme coa dapet menea jejano melawen kebenaran; de dapet keme nea adeba utuk kebenaran.

2 KORINTUS 7:14

Uku memang bi mujai-mujai udi ngen si. Mujuaba, udi coa semelek uku. Kutene de perneak keme madeak jano de benea ngen udi. Awei o kulo jano de keme nujai tetang udi ngen Titus ternyato benea.

2 KORINTUS 7:4

Uku kebiak pecayo ngen udi; uku kulo kebiak bangga teadep udi. Sekilai kulo keme meding dau saro, atei keme kebiak riang kerno udi.

GALATIA 1:1

Saudaro-saudaro jemaat-jemaat neak wilayah Galatia, Uku, Paulus, ngen kute saudaro Kristen de besamo uku, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen udi.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.