2 KORINTUS 10:4 - JANJAI BLAU Lem Bahaso Jang Bebilai

⁴ Senatai-senatai keme lem perjuangan iso senjato duniawi, meluyen senjato de lengkap ngen kuaso Allah, de sanggup utuk mubuak benteng-benteng.

2 KORINTUS 10:4 ပူးပေါင်းရင်းမြစ်များ

KISAH RASUL-RASUL 7:22

Kute ilmu bangso Mesir najea ngen si ngen si jijai tun de kembiak bekuaso lem kecek ngen plepne.

ROMA 13:12

Bilai bi uak malem, tegoa igai lueng. Sebab o maroba ite bedan menea plep-plep kidek, ngen makei perlengkapan senatai te'ang!

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

1 KORINTUS 2:5

Uku menea awei o, supayo kepercayoannu ngen Kristus coa das dasar kebijaksanaan manusio, meluyen das dasar kuaso Allah.

1 KORINTUS 9:7

Coa ade anggota tentra de harus temanggung biayane suang neak lem angkatan perang! Coa ade petani de temanem anggur neak kebunne lajau mbuk asea anggur kunei kebun o! Coa ade gembala de semido bebirai, lajau coa mbuk susu kunei bebirai o!

2 KORINTUS 10:8

Uku coa selek amen uku harus lebiak dau mbangga ngen kuaso de sudo nelei Tuhan ngen keme, sebab kuaso o nelei utuk temgok udi, iso utuk mubuak udi.

2 KORINTUS 13:10

Do'oba sebabne uku temulis su'et yo pado waktau uku ati ade neak tengeak-tengeak udi. Ngen awei o, amen uku teko be, coa perlu uku bertindok tegas teadepnu ngen makei kuaso de nelei Tuhan ngen uku. Kuaso o nelei utuk mbangun udi, iso utuk majua.

2 KORINTUS 3:5

Keme coa temuan sesuaktau alasan utuk madeak bahwo keme sanggup menea kerjo yo, tapi Allah de melei kemampuan o ngen keme.

2 KORINTUS 4:7

Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

2 KORINTUS 6:7

serto ngen melei namen bito de kunei Allah ngen kuaso Allah, keme melei namen bahwo keme yo adeba hamba-hamba Allah. Keme bepegong ngen kelok Allah sebagai senatai keme utuk semrang atau utuk mbela dirai.

1 TESALONIKA 5:8

Tapi ite, de adeba tun-tun lueng, sebab o pekeran ite harus te'ang. Ite harus tep pecayo ngen Tuhan ngen mengasihi tun-tun luyen serto ma'ep ngen yakin bahwo Allah bakea semlamat ite. Do'oba senatai de melindungi ite lem perjuangan melawen kelem.

1 TIMOTIUS 1:18

Tugas yo uku melei ngen ko, Timotius anokku, sesuoi ngen pesen Allah de senapei nebai-nebai lem jemaat tetang dirainu. Lokba pesen o jijai bekal utuknu lem perjuangan de baik.

2 TIMOTIUS 2:3

Ko harus milau saro sebagai prajurit Kristus Yesus de setia.

IBRANI 11:30

Kerno imen, tun-tun Israel menea tembok-tembok Yerikho ubuak sesudo tobo'o kemliling tujuak bilai anne.