2 KORINTUS 1:5 - JANJAI BLAU Lem Bahaso Jang Bebilai

⁵ Derito-derito de nding Kristus bi dau keme meding kulo. Ngen liwet Kristus kulo, batin keme kebiak kuet.

2 KORINTUS 1:5 ပူးပေါင်းရင်းမြစ်များ

LUKAS 2:25

Pado waktau o neak Yerusalem ade suang de genne Simeon. Si tun baik, de saben ngen Allah ngen gidong mbot saatne Allah semlamat Israel. Roh Allah semerto si,

KISAH RASUL-RASUL 9:4

Si us moi taneak lajau temi'uk do sa'ei madeak ngensi, “Saulus, Saulus! Jano sebabne ko semikso Uku?”

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

FILIFI 1:20

De uku kebiak lok ngen ma'ep adeba supayo jibeak sapei uku gagal lem tugasku. Sebelekne uku ma'ep supayo tiep saat, terutamo sekilai uyo, uku dapet bersikap binai sehinggo ngen segenep jiwo ragaku – baik uku idup atau matei – Kristus dimuliakan.

FILIFI 2:1

Udi kuet, kerno udi jijai do ngen Kristus. Ngen udi terhibur kerno Kristus sayang ngen udi! Udi nipin Roh Allah, ngen udi kulo samo kemasiak serto mpek belas kasiak do ngen de luyen.

FILIFI 3:10

Do-done de uku lok adeba supayo uku kemnal Kristus, ngen meding kuaso de midup Si kunei matei. Uku lok milau saro ngen Si ngen jijai serai awei Si lem hal kematian-Ne.

KOLOSE 1:24

Uyo uku senang saro utuk kepentingannu. Sebab ngen derito, uku gemnep jano de masiak harus Yesus meding saro utuk jemaat-Ne, adeba awok-Ne.

2 TIMOTIUS 3:11

Ko bi kemliak uku senikso ngen uku saro. Ko namen kute de tejijai te'adep uku neak Antiokhia, neak Ikonium, ngen neak Listra. Ko namen kute de uku meding saro. Tapi Tuhan semlamat uku kunei kutene o.

1 PETRUS 4:13

Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.