2 KORINTUS 1:1 - JANJAI BLAU Lem Bahaso Jang Bebilai

¹ Saudaro-saudaro jemaat Allah neak Korintus ngen kute umat Allah neak kute Akhaya. Uku, Paulus, rasul Kristus Yesus, de naket das kelok Allah, besamo-samo ngen saudaro ite Timotius,

2 KORINTUS 1:1 ပူးပေါင်းရင်းမြစ်များ

KISAH RASUL-RASUL 16:1

Paulus teko kulo moi Derbe ngen moi Listra. Neak di ade suang penotoa de genne Timotius. Indokne suang tun Yahudi ngen bi pecayo, dong tiakne suang tun Yunani.

ROMA 15:26

Sebab jemaat-jemaat neak Makedonia ngen Akhaya bi tujau utuk melei sumbangan ngen saudaro-saudaro de peset neak antaro umat Allah neak Yerusalem.

ROMA 16:21

Timotius, kuatku, semapei salamne ngen udi. Awei o kulo Lukius, Yason ngen Sosipater, de do sukau bangso ngen uku.

ROMA 16:5

Semapeiba kulo salam uku ngen jemaat de bekopoa neak umeak tobo'o. Salam ngen Epenetus de uku kasihi. Siba tun de pertamo-tamo pecayo ngen Kristus neak daerah Asia.

1 KORINTUS 10:32

Naturba idupnu ngen baik supayo tun luyen coa menea duso; jano tobo'o tun Yahudi atau iso tun Yahudi, atau anggota jemaat Allah.

1 KORINTUS 16:10

Amen Timotius teko, senambutba si ngen baik supayo si meraso tunggea neak antaro udi, sebab si awei uku kulo bekerjo utuk Tuhan.

1 KORINTUS 16:15

Saudaro pasetne kemnal Stefanas ngen keluargone; tobo'o de pertamo-tamo jijai Kristen neak Akhaya. Tobo'o ngen sepenuak atei kerjo kusus utuk melayan umat Allah.

1 KORINTUS 16:24

Titip salam ngen Saudaro kutene de jijai do ngen Kristus Yesus. Hormat keme, Paulus

1 KORINTUS 6:11

Kekedau tun neak antaro Saudaro memang aweiyo kileak. Tapi Saudaro bi melei dirainu senucai, Saudaro bi senucai, Saudaro bi jijai bnea neak lem gen Tuhan Yesus Kristus kulo lem Roh Allah ite.

2 KORINTUS 1:19

Kerno Yesus Kristus, Anok Allah, de sudo keme melei namen neak tengeak-tengeak udi, ngen Silas, Timotius, ngen uku suang isoba tun “Au” ngen “Coa” tapi sebelekne neak lem Si cuma ade “Au”.

2 KORINTUS 1:23

Allah saksaiku – sebab Si namen ateiku – bahwo uku coa lalau moi Korintus, kerno uku coa lok menea ateinu ibo.

2 KORINTUS 11:10

Demi kebenaran Kristus lem diraiku cao dapet napus neak ipe bae kulo neak kute negrai Akhaya, kerno ajaran Kristus de benea ade ngen uku.

2 KORINTUS 9:2

Uku namen udi galok mulung, ngen uku bi mujai udi ngen tun-tun neak Makedonia. Uku madeak ngen tobo'o, bahwo sejok taun de sudo saudaro-saudaro neak Akhaya bi siap utuk melei sumbangan. Ngen semangatnu bi menea tun dau kulo jijai semangat.

GALATIA 1:1

Saudaro-saudaro jemaat-jemaat neak wilayah Galatia, Uku, Paulus, ngen kute saudaro Kristen de besamo uku, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen udi.

GALATIA 3:26

Sebab udi kute adeba anok-anok Allah liwet imen neak lem Yesus Kristus.

EFESUS 1:1

Umat Allah neak Efesus, de setia ngen Kristus Yesus!

FILIFI 1:1

Saudaro-saudaro umat Allah kutene de tinggea neak Filifi, ngen de sudo jijai do ngen Kristus Yesus! Kulo Saudaro-saudaro pemipin serto pembantu jemaat! Uku, Paulus, besamo Timotius, hambo-hambo Kristus Yesus,

1 TESALONIKA 1:1

Saudaro-saudaro jemaat neak Tesalonika, de jijai umat Allah Bapa ngen Tuhan Yesus Kristus: Keme, adeba Paulus, Silas ngen Timotius ma'ep Allah melei berkat, sejahtera ngen udi.

1 TESALONIKA 3:2

Lajau keme mbo Timotius, Saudaro do imen te. Si suang pelayan Allah de kerjo besamo keme utuk melei namen Bito Baik tetang Kristus. Keme mutus Timotius ngen udi supayo si kemuet udi ngen ndukung udi utuk lebiak pecayo igai ngen Kristus.

2 TESALONIKA 1:1

Saudaro-saudaro jemaat neak Tesalonika, de jijai umat Allah Bapa te ngen Tuhan Yesus Kristus! Keme, adeba Paulus, Silas ngen Timotius.

1 TIMOTIUS 1:1

Timotius, anokku de sejati neak lem Tuhan! Su'et yo kunei uku, Paulus, rasul Kristus Yesus das periteak Allah, Penyelamat ite ngen das periteak Kristus Yesus, harapan te. Semoga Allah Bapa ngen Kristus Yesus Tuhan ite melei berkat, rahmat ngen sejahtera ngen ko.

2 TIMOTIUS 1:1

Timotius, anokku de uku semayang! Uku, Paulus, temulis su'et yo ngen ko, ma'ep Allah Bapa ngen Tuhan te Kristus Yesus melei berkat, rahmat, sejahtera ngenko. Das kelok Allah uku naket jijai rasul Kristus Yesus, nutus utuk melei namen tetang idup de jenanjai Allah. Idup o ite temimo kerno jijai do ngen Kristus Yesus.

TITUS 1:1

Anokku Titus! Uku, Paulus, temulis su'et yo sebagai hamba Allah ngen rasul Yesus Kristus. Uku niliak ngen nutus utuk temulung tun-tun piliak Allah supayo jijai kuet lem imen tobo'o. Uku kulo harus bimbing tobo'o supayo kemnal ajaran de benea de najea agamo te.

FILEMON 1:1

Saudaro Filemon, kuat keme! Uku, Paulus, suang tahanan kerno Kristus Yesus, besamo ngen saudaro ite Timotius, temulis su'et yo ngen ko

IBRANI 13:23

Lokba udi namen bahwo saudaro ite Timotius bi bebas kunei sel. Amen si bi moi penan ite yo, uku bakea mbinne waktau uku semulau udi sudoyo.