1 YOHANES 5:9 - JANJAI BLAU Lem Bahaso Jang Bebilai

⁹ Ite pecayo ngen saksai manusio, tapi saksai Allah lebiak kuet igai. Ngen do'oba saksai de sudo nelei Allah tetang anok-Ne.

1 YOHANES 5:9 ပူးပေါင်းရင်းမြစ်များ

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

YOHANES 10:38

Tapi amen Uku kemerjone ngen udi coa lok pecayo ngen Uku, pecayoba ngen kerjo-kerjo o. Supayo udi buliak namen ngen ngertai bahwo Bak neak lem Uku ngen Uku neak lem Bak.”

YOHANES 5:39

Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

KISAH RASUL-RASUL 17:31

Kerno Si bi tem'tep suaktau bilai ketiko Si ngen Adea makim dunio ngen suang tun de sudo tentau-Ne, sesudo Si melei ngen kute tun suaktau jaminan tetang hal o ngen midup Si kunei antaro tun matei.”

KISAH RASUL-RASUL 5:32

Kemeba saksai-saksai tetang kutene o – keme ngen kulo Roh Sucai de nelei Allah ngen tun-tun de temotoa periteak-Ne.”

IBRANI 2:4

Seluyen o, Allah kemuet saksai tun-tun o ngen menea kute mecem keajaiban ngen hal-hal de luea biaso serto magiak pelei kunei Roh Allah temurut kelok-Ne suang.

IBRANI 6:18

Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

1 YOHANES 5:10

Sebab o, tun de pecayo ngen Anok Allah, sudo temimo saksai o neak lem ateine; tapi tun de coa pecayo ngen Allah, bi manggap amen Allah pendusta, sebab si coa pecayo jano de nadeak Allah tetang anok-Ne.

1 YOHANES 5:8

Roh Allah, bioa ngen daleak – ketelaune melei saksai de serai.