1 YOHANES 5:6 - JANJAI BLAU Lem Bahaso Jang Bebilai

⁶ Yesus Kristusba de teko moi dunio ngen bio baptisan-Ne ngen daleak kematian-Ne. Si teko iso cuma ngen bioa bae tapi ngen bio ngen daleak. Roh Allah su'ang melei saksai bahwo do'o benea, sebab roh coa perneak berdusta.

1 YOHANES 5:6 ပူးပေါင်းရင်းမြစ်များ

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

MATIUS 3:16

Sesudo dibaptis, Yesus segro keluea kunei lem bio'a. Tibo-tibo lenget tukok ngen Yesus kemliak Roh Sucai kunei Allah tu'un awei burung daro moi das-Ne.

MARKUS 14:24

Ngen Si madeak ngen tobo'o, “Dioba daleak-Ku, daleak perjanjian de tenupeak bagiak dau tun.

LUKAS 22:20

Awei'o kulo nea-Ne ngen makuk anggur sesudo mukmei; Si madeak, “Makuk anggur yo adeba perjanjian belau de nsah ngen daleak-Ku, de tenupeak bagiak udi.”

YOHANES 14:17

Si'oba Roh kebenea. Dunio coa dapet temimo Si, sebab dunio coa kemliak Si ngen coa namen ngen Si. Tapi udi namen ngen Si, sebab Si semerto udi, bakea diem neak lem udi.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

YOHANES 16:13

Tapi amen Si teko, adeba Roh kebenea, Si bakea mipin udi neak lem kute kebenea. Si coa bakea madeak kunei dirai-Ne suang, tapi kute sesuaktau de teni'ukne do'oba de bakea nadeak-Ne ngen Si bakea melei namen ngen udi hal-hal de bakea teko.

YOHANES 3:5

Jawab Yesus, “Sesungguakne Uku madeak ngen ko: amen suang tun coa laher kunei bioa ngen Roh, si coa dapet jijai anggota umat Allah.

YOHANES 4:10

Jawab Yesus ngen si, “Amen ko namen tetang karunio Allah ngen api Si de madeak ngen ko, ‘Melei ba Uku menem!’ Paset ko bi minoi ngen-Si ngen Si bi melei ngen ko bioa idup.”

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

YOHANES 6:55

Sebab daging-Ku adeba benea-benea kembuk ngen daleak-Ku adeba benea-benea meneman.

KISAH RASUL-RASUL 8:36

Tobo'o melanjut pemane tobo'o, sapei neak do penan de ade bioa. Lajau nadeak pejabat istana o, “Keliak, neak di ade bioa; jano ade halangan bagiakku utuk dibaptis?” [

ROMA 3:25

Kristus Yesus bi tentau Allah jijai dalen damoi kerno imen, lem daleak-Ne. Hal iyo nea-Ne utuk kemten keadilan-Ne, kerno Si bi munyau duso-duso de sudo tejijai bel'o pado maso kesabaran-Ne.

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

TITUS 3:5

Si semlamat ite, iso kerno ite sudo menea sesuaktau de baik, tapi kerno Si suang mengasihi ite. Si semlamat ite liwet Roh Allah, de melei ite laher blau, idup blau, ngen dalen semucai ite.

IBRANI 10:29

Padeak kebenek hukuman de harus nelei das tun de melat Anok Allah. Tun o manggap hino daleak perjanjian Allah, adeba mateine Kristus de bersih Si kunei duso. Si mino Roh kasiak karunio.

IBRANI 12:24

Udi teko madep Yesus, Pengantara utuk janjai de belau o; udi madep daleak percikan de menjamin hal-hal de uak lebiak baik kunei de jenamin daleak Habel.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

IBRANI 9:7

De masuk moi bagian paling lem kunei kemah o cuma Imem Agung bae. Si menea o cuma taun debat. Do'o neane ngen mbin daleak utuk neleine ngen Allah kerno diraine suang, kerno duso-duso de nea umat-Ne ngen coa sadar.

1 PETRUS 3:21

Nah, kejadian o adeba kiasan kunei baptisan de uyo yo semlamat udi. Baptisan yo iso suaktau upacara semucai awok kunei kute de ngei, meluyen adeba janjainu ngen Allah kunei atei nurani de baik. Baptisan o semlamat udi kerno Yesus Kristus bi idup igai kunei matei,

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 4:10

Dioba kasih o: Iso ite de sudo mengasiak Allah, tapi Allah de mengasiak ite ngen mutus Anok-Ne supayo liwet Si ite dapet pengampunan das duso-duso ite.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.

WAHYU 7:14

“Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.