1 YOHANES 5:20 - JANJAI BLAU Lem Bahaso Jang Bebilai

²⁰ Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

1 YOHANES 5:20 ပူးပေါင်းရင်းမြစ်များ

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

LUKAS 21:15

Sebab Uku suang bakea melei ngen udi kecek-kecek bijaksana, sehinggo udi coa dapet nelawen ngen nebantah lawen-lawennu.

LUKAS 24:45

Lajau Si mukok pekeran tobo'o, sehinggo tobo'o ngertai Kiteb Sucai.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 10:30

Uku ngen Bak adeba do.”

YOHANES 14:20

Pado waktau'oba udi bakea namen bahwo Uku lem Bak-Ku ngen udi neak lem Uku ngen Uku lem udi.

YOHANES 14:23

Jawab Yesus, “Amen suang mengasiak Uku, si bakea temotoa firman-Ku ngen Bak-Ku bakea mengasiak si. Keme bakea teko ngen si ngen tinggea sesamo ngen si.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 14:9

Nadeak Yesus ngen Si, “Bi an Uku sesamo udi, Filipus, tapi ko coa namen ngen Uku? Api bae de sudo kemliak Uku, si bi kemliak Bak. Awei ipe ko madeak: ‘Kenten ba Bak o ngen keme’!

YOHANES 15:4

Tinggea ba neak lem Uku ngen Uku neak lem udi. Serai awei dan coa dapet bebuak kunei diraine suang, amen si coa tinggea neak punne. Awei o kulo udi, udi coa bebuak, amen udi coa tinggea lem Uku.

YOHANES 17:14

Uku bi melei firman-Nu ngen tobo'o ngen dunio jengik ngen tobo'o, kerno tobo'o iso kunei dunio, serai awei Uku iso kunei dunio.

YOHANES 17:25

Au Bapa de adea, memang dunio coa kemnal Ko, tapi Uku kemnal Ko, tobo'o namen bahwo Ko ba de sudo mutus Uku.

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

YOHANES 20:28

Tomas jemawab Si, “Au Tuhanku ngen Allahku!”

YOHANES 8:42

Nadeak Yesus ngen tobo'o, “Amen Allah adeba Baknu, udi bakea kemasiak Uku. Sebab Uku teko kunei Allah ngen uyo uku ade neak yo. Uku coa teko ngen kelok-Ku suang, tapi Siba mutus Uku.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

ROMA 9:5

Tobo'o adeba royot bapa-bapa leluhur, de tumu'un Kristus lem keadaan-Ne sebagai manusio, de ade neak das kute sesuaktau. Si adeba Allah de harus nujai sapei selamo-lamone. Amin!

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

EFESUS 3:18

Uku bedu'o, supayo udi besamo-samo ngen kute umat Allah dapet paham, padeak libeane ngen panjangne serto lekatne ngen lemne kasih Kristus,

FILIFI 3:9

ngen benea-benea jijai do ngen Si. Hubungan de baik ngen Allah coa igai uku usaho suang ngen ca'o taat ngen hukum agamo. Uyo uku temuan hubungan de baik ngen Allah, kerno uku pecayo ngen Kristus. Jijai, hubungan de baik o teko kunei Allah, das dasar pecayo ngen Kristus Yesus.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 1:8

Tapi ngen Anok o, Allah madeak, “Takhta-Nu, ya Allah, bakea kekal selamo-lamone! Pemerintahan-Nu adeba pemerintahan de adea.

1 YOHANES 2:23

Tun de coa makau Anok, taine coa temimo Bapa kulo. Tun de makau Anok, taine temimo Bapa kulo.

1 YOHANES 2:24

Sebab o, bito de sudo udi temi'uk sejak udi muloi pecayo harusba udi jemago bebaik neak lem atei. Amen bito o udi kemliak bebaik, udi bakea bogoa idup jijai do ngen Anok ngen Bapa.

1 YOHANES 2:6

Api de madeak bahwo si idup jijai do ngen Allah, si harus idup serai awei Kristus bi idup.

1 YOHANES 4:14

Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.

1 YOHANES 4:16

Ite suang namen ngen pecayo kasih Allah ngen ite. Allah o kasih. Tun de idupne kenuaso kasih, tun o jijai do ngen Allah, ngen Allah jijai do ngen si.

1 YOHANES 4:2

Awei'oba ca'one udi namen jano do'o Roh Allah atau iso: Tun de makau bahwo Yesus Kristus teko moi dunio sebagai manusio, tun o temuan Roh de teko kunei Allah.

1 YOHANES 5:1

Tun de pecayo bahwo Yesus adeba Rajo Penyelamat de jenanjai Allah, tun o adeba Anok Allah. Tun de mengasiak su'ang bapok, mengasiak anokne kulo.

1 YOHANES 5:15

Kerno ite namen bahwo Si temi'uk ite amen ite minoi ngen si, mako ite namen kulo bahwo Si melei ite jano de ite minoi kunei Si.

1 YOHANES 5:18

Ite namen bahwo kute tun de sudo jijai anok-anok Allah, coa bogoa menea duso, sebab Anok Allah semlamatne, ngen de jahat coa dapet menea jejano teadepne.

1 YOHANES 5:5

Api dapet maleak dunio? Cuma tun de pecayo bahwo Yesus adeba Anok Allah.

WAHYU 15:3

Ngen tobo'o mbin legau Musa, hamba Allah, ngen legau Anok Bebirai. Awei yo sa'eine, “Tuhan, Allah Maha Kuaso, padeak lai ngen ajaibne perbuatan-perbuatan-Nu! Rajo kute bangso, padeak adea ngen benea tindakan-tindakan-Nu!

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”