1 YOHANES 5:18 - JANJAI BLAU Lem Bahaso Jang Bebilai

¹⁸ Ite namen bahwo kute tun de sudo jijai anok-anok Allah, coa bogoa menea duso, sebab Anok Allah semlamatne, ngen de jahat coa dapet menea jejano teadepne.

1 YOHANES 5:18 ပူးပေါင်းရင်းမြစ်များ

MATIUS 5:37

Nadeak bae ‘Au’ jano ‘Coa’ – lebiak kunei'o asalne kunei Iblis.”

MATIUS 6:13

Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’

YOHANES 1:13

Tun-tun de leherne iso kunei daleak atau kunei kelok jasmani iso kulo ngen kelok suang semanei, seluyen kunei Allah.

YOHANES 14:30

Coa dau igai Uku madeak ngen udi, sebab penguaso dunio yo teko, si coa kuaso didik kulo das dirai-Ku.

YOHANES 15:4

Tinggea ba neak lem Uku ngen Uku neak lem udi. Serai awei dan coa dapet bebuak kunei diraine suang, amen si coa tinggea neak punne. Awei o kulo udi, udi coa bebuak, amen udi coa tinggea lem Uku.

YOHANES 15:7

Amen udi tinggea lem Uku ngen firman-Ku tinggea lem udi, minoi ba ngen Bapa jano bae de udi kenlok, ngen udi bakea temimone.

YOHANES 15:9

“Awei Bapa bi mengasiak Uku, awei o kulo uku bi mengasiak udi; tinggea ba udi lem kasiak-Ku o.

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

YAKOBUS 1:18

Das kelok-Ne su'ang Si jemijai ite anok-anok-Ne liwet Firman-Ne de benea. Si menea o supayo ite dapet penan de utamo neak antaro kute makhluk ciptaan-Ne.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

1 PETRUS 1:23

Sebab liwet Firman Allah de idup ngen de kekal o, udi sudo jenijai manusio belau de iso laher kunei manusio, meluyen kunei Bapa de kekal.

1 YOHANES 2:29

Udi bi namen bahwo Kristus idup temurut kelok Allah. Sebab o udi harus namen kulo bahwo tiep tun de idup temurut kelok Allah adeba anok Allah.

1 YOHANES 3:12

Jibeakba ite awei Kain, de jijai anok Iblis ngen munuak pasuakne su'ang. Jano sebab Kain munuak pasuakne? Sebab hal-hal de neane adeba saleak, tapi hal-hal de nea pasuakne adeba benea.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.

1 YOHANES 3:9

Tun de sudo jijai Anok Allah, coa menea duso igai, sebab sifet Allah ade neak diraine. Ngen kerno Allah o Bapane, mako si coa dapet menea duso igai.

1 YOHANES 4:6

Tapi ite adeba anok-anok Allah; ngen tun de kemnal Allah, temi'uk kecek ite. Tun de iso de Allah temuan, coa temi'uk kecek ite. Awei'oba ca'one ite namen perbedaan Roh de melei ajaran de benea, ngen roh de menea seset.

1 YOHANES 5:1

Tun de pecayo bahwo Yesus adeba Rajo Penyelamat de jenanjai Allah, tun o adeba Anok Allah. Tun de mengasiak su'ang bapok, mengasiak anokne kulo.

1 YOHANES 5:15

Kerno ite namen bahwo Si temi'uk ite amen ite minoi ngen si, mako ite namen kulo bahwo Si melei ite jano de ite minoi kunei Si.

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

1 YOHANES 5:21

Anok-anokku, ne'uakba dirainu kunei patung-patung!

1 YOHANES 5:4

Sebab kute Anok Allah sanggup maleak dunio. Ngen ite maleak dunio ngen imen ite

YUDAS 1:21

ngen idupba terus neak lem naungan kasih Allah selamo udi mbot rahmat Yesus Kristus Tuhan ite, de bakea melei ngennu idup sejati ngen kekal.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.