1 YOHANES 5:14 - JANJAI BLAU Lem Bahaso Jang Bebilai

¹⁴ Ngen ite binai madep Allah, kerno ite yakin Si kemabul du'o ite, amen ite minoi jano bae de sesuai ngen kelok-Ne.

1 YOHANES 5:14 ပူးပေါင်းရင်းမြစ်များ

YOHANES 14:13

Jano bae de udi minoi lem gen-Ku, Uku bakea kemerjone, supayo Bak nujai lem Anok.

YOHANES 15:7

Amen udi tinggea lem Uku ngen firman-Ku tinggea lem udi, minoi ba ngen Bapa jano bae de udi kenlok, ngen udi bakea temimone.

MATIUS 21:22

Jano bae de udi minoi lem du'o ngen penuak pacayo, Allah bakea melei udi.”

YAKOBUS 4:3

Atau udi sudo minoine, tapi udi coa dapet, sebab de minoi o saleak; jano de udi minoi adeba utuk kesenangan dirainu su'ang

YOHANES 9:31

Ite namen bahwo Allah coa temi'uk tun-tun beduso, tapi tun-tun malim ngen menea kelok-Ne.

EFESUS 3:12

Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan.

YOHANES 16:24

Sapei uyo udi ati minoi sesuaktau lem gen-Ku. Minoiba, mako udi bakea temimo, supayo penuakba sukocitonu.”

1 YOHANES 2:28

Jijai, anok-anokku, tepba idup jijai do ngen Kristus, supayo amen Si teko, ite madep Si seca'o binai, ngen coa selek.

YAKOBUS 5:16

Sebab o, lokba udi makau saleak ngen saling demu'o, supayo udi kenaen. Du'o tun de temurut kelok Allah, temuan kuaso de lai.

IBRANI 10:35

Kerno o, jibeakba putus asa, sebab amen udi tep pecayo, mako ade upeak de lai utuk do'o!

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

YOHANES 11:42

Uku namen bahwo Ko bogoa temi'uk Uku, tapi kerno tun dau de je neak yo gemlung Uku, Uku madeakne, supayo tobo'o pecayo bahwo Ko ba de sudo mutus Uku.”

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.