1 YOHANES 5:12 - JANJAI BLAU Lem Bahaso Jang Bebilai

¹² Tun de temuan Anok Allah, temuan idup o; ngen tun de coa temuan Si, coa temuan idup o.

1 YOHANES 5:12 ပူးပေါင်းရင်းမြစ်များ

MARKUS 16:16

Api de pecayo ngen dibabtis bakea senlamat, tapi api de coa pecayo bakea nukum.

YOHANES 1:12

Tapi kute tun de temimo Si neleine kuaso supayo jijai anok-anok Allah, adeba tobo'o de pecayo lem gen-Ne.

YOHANES 3:15

supayo tiep tun de pecayo ngen Si coa benaso, meluyen dapet idup de kekal.”

YOHANES 3:36

Api bae de pecayo ngen Anok, si dapet idup de kekal. Tapi api bae de coa taat ngen Anok si coa bakea kemliak idup, meluyen murko Allah tep tinggea neak dasne.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

2 YOHANES 1:9

Tun de coa bepegong ngen ajaran Kristus, tapi nyipang kunei jano de najea Kristus, tun o coa temuan Allah. Tun de tep ade neak lem ajaran Kristus, taine temuan Allah Bapa atau Anok.