1 YOHANES 4:7 - JANJAI BLAU Lem Bahaso Jang Bebilai

⁷ Saudaro-saudaro de tecito! Maroba ite mengasiak do ngen de luyenne, sebab kasih asalne kunei Allah. Tun de mengasiak, adeba Anok Allah ngen si kemnal Allah.

1 YOHANES 4:7 ပူးပေါင်းရင်းမြစ်များ

YOHANES 13:34

Uku melei priteak blau ngen udi, adeba supayo udi saling mengasiak, serai awei Uku kemasiak udi, awei'o kulo udi arus saling kemasiak.

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

1 KORINTUS 8:3

Tapi de sungguak kemasiak Allah, Allah namen ngen si.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

GALATIA 4:9

Tapi uyo udi kemnal Allah, atau lebiak tepat igai, Allah kemnal udi. Nah, getai udi lok belek igai ngen roh-roh dunio yo, de lemah ngen peset? Getai udi lok jijai bodok roh-roh o igai?

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

2 TIMOTIUS 1:7

Sebab Allah melei ngen ite iso Roh de menea ite jijai saben. Sebelekne Roh Allah o menea ite jijai kuet, penuak kasiak ngen tertib.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 YOHANES 2:10

Tun de mengasiak saudarone, idup lem te'ang sehinggo coa ade sesuaktau ngen si de bakea menea tun luyen us lem duso.

1 YOHANES 2:29

Udi bi namen bahwo Kristus idup temurut kelok Allah. Sebab o udi harus namen kulo bahwo tiep tun de idup temurut kelok Allah adeba anok Allah.

1 YOHANES 2:3

Amen ite taat ngen periteak-periteak Allah, do'o tandone bahwo ite kemnal Allah.

1 YOHANES 2:4

Tun de madeak, “Uku kemnal Allah,” tapi coa taat ngen periteak-periteak-Ne, tun o tukang mike, ngen Allah coa ade neak lem ateine.

1 YOHANES 2:7

Saudaro-saudaro de tecito! De uku temulis yo iso suaktau periteak de belau. Dio periteak an de sudo senapei ngen udi sejak udi muloi pecayo ngen Kristus; adeba bito kunei Allah de sudo udi temi'uk ayokne.

1 YOHANES 3:9

Tun de sudo jijai Anok Allah, coa menea duso igai, sebab sifet Allah ade neak diraine. Ngen kerno Allah o Bapane, mako si coa dapet menea duso igai.

1 YOHANES 4:11

Saudaro-saudaro de tecito, amen Allah kembiak mengasiak ite, ite kulo harus mengasiak do ngen de luyenne.

1 YOHANES 4:12

Coa ade suang kulo de perneak kemliak Allah, tapi amen ite samo-samo mengasiak, Allah jijai do ngen ite, kasih-Ne jijai sempurno lem dirai ite.

1 YOHANES 4:16

Ite suang namen ngen pecayo kasih Allah ngen ite. Allah o kasih. Tun de idupne kenuaso kasih, tun o jijai do ngen Allah, ngen Allah jijai do ngen si.

1 YOHANES 4:20

Amen suang tun madeak, “Uku mengasiak Allah,” tapi si coa mengasiak saudarone, tun o pendusta. Sebab tun de coa mengasiak saudarone de kemliakne, coa mukin dapet mengasiak Allah de coa kemliakne.

1 YOHANES 4:8

Tun de coa mengasiak, coa kemnal Allah; sebab Allah adeba kasih.

1 YOHANES 5:1

Tun de pecayo bahwo Yesus adeba Rajo Penyelamat de jenanjai Allah, tun o adeba Anok Allah. Tun de mengasiak su'ang bapok, mengasiak anokne kulo.

2 YOHANES 1:5

Kerno o, uku minoi nien supayo ite kute samo-samo mengasiak. De uku madeak yo iso suaktau periteak de belau; periteak yo sudo nelei ngen ite sejak ite muloi pecayo.