1 YOHANES 4:4 - JANJAI BLAU Lem Bahaso Jang Bebilai

⁴ Tapi anok-anokku, udi de Allah temuan. Udi bi maleak nebai-nebai palsu, sebab de ade ngen udi lebiak bekuaso kunei roh de ade ngen tun-tun de temuan dunio yo.

1 YOHANES 4:4 ပူးပေါင်းရင်းမြစ်များ

YOHANES 12:31

Uyo bi sapei waktaune dunio yo nakim, uyo kulo penguaso dunio yo bakea neluk moi luea.

YOHANES 14:30

Coa dau igai Uku madeak ngen udi, sebab penguaso dunio yo teko, si coa kuaso didik kulo das dirai-Ku.

YOHANES 16:11

bahwo Allah sudo muloi mukum, sebab penguaso dunio yo bi nukum.

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

ROMA 8:31

Sebab o jano de bakea ite nadeak tetang kutene o? Amen Allah neak pihak ite, api de bakea melawen ite?

ROMA 8:37

Tapi lem kutene o ite lebiak kunei tun-tun de menang, kerno Si de sudo mengasihi ite.

1 KORINTUS 2:12

Ite coa temimo roh dunio, tapi roh de asalne kunei Allah, supayo ite namen, jano de nelei Allah ngen ite.

1 KORINTUS 6:13

Ade kulo de madeak bahwo kembuk adeba utuk tenei, tenei seniap utuk kembuk. Tapi keduaine bakea nlenyep Allah. Awok manusio coa buliak nakei utuk menea hubungan de coa baik, tapi cuma utuk melayan Tuhan. Ngen Tuhan bakea miaro awok o.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

EFESUS 2:2

Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

EFESUS 6:10

Akherne, lokba udi kuet neak lem Tuhan, neak lem kekuatan kuaso-Ne.

1 YOHANES 2:1

Anok-anokku! Uku temulis dio ngen udi supayo udi jibeak menea duso. Tapi amen ade de menea duso, mako ite temuan suang pembela, adeba Yesus Kristus de adea o; Si bakea minoi nien utuk ite neak adep Bapa.

1 YOHANES 2:13

Uku temulis ngen udi, Bapak-bapak, sebab udi kemnal Si de sudo ade sejak mulone. Uku temulis ngen udi, Tun-tun u'ai, sebab udi bi maleak de jahat.

1 YOHANES 3:20

Ite namen, bahwo amen ite senaleak atei ite, Allah adeba lebiak lai kunei atei ite, Si namen kekutene.

1 YOHANES 3:24

Kute tun de taat ngen periteak-periteak Allah, hidup jijai do ngen Allah, ngen Allah jijai do ngen tobo'o. Ngen ite namen bahwo Allah hidup jijai do ngen ite, kerno Si bi melei Roh-Ne ngen ite.

1 YOHANES 4:13

Kerno Allah bi melei Roh-Ne ngen ite, mako ite namen bahwo ite bi idup jijai do ngen Allah, ngen Allah idup jijai do ngen ite.

1 YOHANES 4:16

Ite suang namen ngen pecayo kasih Allah ngen ite. Allah o kasih. Tun de idupne kenuaso kasih, tun o jijai do ngen Allah, ngen Allah jijai do ngen si.

1 YOHANES 4:6

Tapi ite adeba anok-anok Allah; ngen tun de kemnal Allah, temi'uk kecek ite. Tun de iso de Allah temuan, coa temi'uk kecek ite. Awei'oba ca'one ite namen perbedaan Roh de melei ajaran de benea, ngen roh de menea seset.

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

1 YOHANES 5:4

Sebab kute Anok Allah sanggup maleak dunio. Ngen ite maleak dunio ngen imen ite

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.