1 YOHANES 4:2 - JANJAI BLAU Lem Bahaso Jang Bebilai

² Awei'oba ca'one udi namen jano do'o Roh Allah atau iso: Tun de makau bahwo Yesus Kristus teko moi dunio sebagai manusio, tun o temuan Roh de teko kunei Allah.

1 YOHANES 4:2 ပူးပေါင်းရင်းမြစ်များ

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

1 KORINTUS 12:3

Udi harus namen bahwo tun de nipin Roh Allah coa nam miling, “Tekutukba Yesus!” Awei'o kulo coa ade suang dapet madeak, “Yesus adeba Tuhan!” amen tun o coa nipin Roh Allah.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

1 YOHANES 1:2

Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

1 YOHANES 2:23

Tun de coa makau Anok, taine coa temimo Bapa kulo. Tun de makau Anok, taine temimo Bapa kulo.

1 YOHANES 4:15

Api makau bahwo Yesus o Anok Allah, Allah idup jijai do ngen tun o, ngen tun o kulo idup jijai do ngen Allah.

1 YOHANES 4:3

Tapi tun de coa makau hal yo tetang Yesus, coa temuan Roh Allah. Tun o temuan roh kunei musuak Kristus. Saudaro bi temi'uk bahwo roh o bakea teko, ngen uyo si bi ade neak lem dunio yo.

1 YOHANES 5:1

Tun de pecayo bahwo Yesus adeba Rajo Penyelamat de jenanjai Allah, tun o adeba Anok Allah. Tun de mengasiak su'ang bapok, mengasiak anokne kulo.

2 YOHANES 1:7

Dau penyesat bi teko ngen lalau moi kute dunio, tobo'o adeba tun-tun de coa makau bahwo Yesus Kristus teko moi dunio sebagai su'ang manusio. Tun de awei o adeba penyesat, ngen musuak Kristus.