1 YOHANES 4:14 - JANJAI BLAU Lem Bahaso Jang Bebilai

¹⁴ Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.

1 YOHANES 4:14 ပူးပေါင်းရင်းမြစ်များ

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

YOHANES 10:36

Masiak udi madeak ngen Si de senucai ngen Bak ngen de sudo nutus-Ne moi lem dunio. Ko mino Allah! Kerno Uku bi madeak: Uku anok Allah?

YOHANES 12:47

Amen suang tun temi'uk kecek-Ku, tapi coa kemerjone, Uku coa mukumne. Sebab Uku teko iso utuk mukum dunio, tapi utuk semlamat si.

YOHANES 3:11

Sesungguakne Uku madeak ngen udi, keme miling tetang jano de keme namen ngen be saksai tetang jano de keme kemliak, tapi udi coa temimo saksai keme.

YOHANES 3:32

Si saksai tetang jano de kemliak-Ne ngen de temi'uk-Ne, tapi coa suang tun de temimo saksai-Ne o.

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

YOHANES 4:42

Tobo'o madeak ngen selawei'o, “Keme pecayo, tapi iso igai kerno jano de ko nadeak, sebab keme suang bi temi'uk Si ngen keme namen, bahwo Siba benea-benea Juru Selamat dunio.”

YOHANES 5:39

Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

KISAH RASUL-RASUL 18:5

Ketiko Silas ngen Timotius teko kunei Makedonia, Paulus muloi ngen sepenuakne melei namen bito kunei Allah, saksai ngen tun-tun Yahudi bahwo Yesusba Rajo Penyelamat.

1 PETRUS 5:12

Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.

1 YOHANES 4:10

Dioba kasih o: Iso ite de sudo mengasiak Allah, tapi Allah de mengasiak ite ngen mutus Anok-Ne supayo liwet Si ite dapet pengampunan das duso-duso ite.

1 YOHANES 5:9

Ite pecayo ngen saksai manusio, tapi saksai Allah lebiak kuet igai. Ngen do'oba saksai de sudo nelei Allah tetang anok-Ne.