1 YOHANES 4:12 - JANJAI BLAU Lem Bahaso Jang Bebilai

¹² Coa ade suang kulo de perneak kemliak Allah, tapi amen ite samo-samo mengasiak, Allah jijai do ngen ite, kasih-Ne jijai sempurno lem dirai ite.

1 YOHANES 4:12 ပူးပေါင်းရင်းမြစ်များ

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

1 KORINTUS 13:13

Jijai, utuk saat yo ade telau hal de ite harus tep nea: pecayo, ma'ep, ngen saling kemasiak. De paling penting kunei ketelaune o adeba kemasiak tun-tun luyen.

1 TIMOTIUS 1:17

Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.

1 TIMOTIUS 6:16

Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.

IBRANI 11:27

Kerno berimen, mako Musa teminggea Mesir ngen coa saben teadep Rajo mengiak. Musa temujau tujuanne seolah-olah si coa kemliak Allah de coa keten o.

1 YOHANES 2:5

Tapi tun de taat ngen kecek Allah, tun o mengasiak Allah seca'o sempurno. Do'oba tandone ite idup jijai do ngen Allah.

1 YOHANES 3:24

Kute tun de taat ngen periteak-periteak Allah, hidup jijai do ngen Allah, ngen Allah jijai do ngen tobo'o. Ngen ite namen bahwo Allah hidup jijai do ngen ite, kerno Si bi melei Roh-Ne ngen ite.

1 YOHANES 4:16

Ite suang namen ngen pecayo kasih Allah ngen ite. Allah o kasih. Tun de idupne kenuaso kasih, tun o jijai do ngen Allah, ngen Allah jijai do ngen si.

1 YOHANES 4:20

Amen suang tun madeak, “Uku mengasiak Allah,” tapi si coa mengasiak saudarone, tun o pendusta. Sebab tun de coa mengasiak saudarone de kemliakne, coa mukin dapet mengasiak Allah de coa kemliakne.

1 YOHANES 4:6

Tapi ite adeba anok-anok Allah; ngen tun de kemnal Allah, temi'uk kecek ite. Tun de iso de Allah temuan, coa temi'uk kecek ite. Awei'oba ca'one ite namen perbedaan Roh de melei ajaran de benea, ngen roh de menea seset.