1 YOHANES 4:1 - JANJAI BLAU Lem Bahaso Jang Bebilai

¹ Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio.

1 YOHANES 4:1 ပူးပေါင်းရင်းမြစ်များ

MARKUS 13:21

Pado waktau'o amen tun madeak ngen udi: ‘Keliak, Rajo Penyelamat ade neak yo,’ atau: ‘Keliak, Rajo Penyelamat ade neak di,’ jibeak udi masai.

LUKAS 12:57

“Getai udi suang kulo coa temtep jano de benea?

LUKAS 21:8

Yesus madeak, “Waspadaba, supayo udi jibeak limau. Sebab dau tun bakea teko ngen makei gen-Ku ngen madeak, ‘Ukuba Si.’ Ngen: ‘Saatne sudo pa'ok.’ Jibeakba udi temotoa tobo'o.

KISAH RASUL-RASUL 17:11

Tun-tun Yahudi neak kota o lebiak tukok ateine kunei pado tun-tun Yahudi neak Tesalonika, kerno tobo'o temimo Firman o ngen kute kerelaan atei, tiep bilai tobo'o semlidik Kitep Sucai utuk namen, jano kutene o benea awei o.

KISAH RASUL-RASUL 20:29

Sesudo uku lalau, pasti bakea teko serigala-serigala de buas moi tengeak-tengeak udi. Tun-tun de udi jago o bakea jijai mangsa serigala-serigala o.

1 KORINTUS 12:10

Ngen suang tun nelei kuaso utuk menea keajaiban, ngen de luyen nelei karunio utuk melei namen rencano-rencano Allah. Ngen de luyen igai Roh o melei kesanggupan utuk kemliak bedane karunio de kunei Roh Allah ngen de iso kunei Allah. Ade de nelei kesanggupan utuk miling ngen bebagoi bahaso de ajaib, ngen ade kulo de nelei kesanggupan utuk jemlas tai bahaso-bahaso o.

1 KORINTUS 14:29

Duai atau telau tun de temuan bito kunei Allah harus semapei bito o, sementaro de luyen meker jano de nadeak o.

1 TESALONIKA 5:20

Jibeakba manggep cayeak bito-bito de nelei Roh Allah.

1 TESALONIKA 5:21

Kute sesuaktau harus nujai, ngen de baik harus tenotoa.

2 TESALONIKA 2:2

Supayo udi jibeak gacang renyeng ngen liseak kerno adene bito bahwo bi sapei bilaine Tuhan Yesus teko igai. Mukin bito yo asalne kunei suaktau nubuat, atau kunei suaktau ajaran; atau buliak jijai ade de madeak bahwo keme perneak temulis de awei o neak lem saleak do su'et keme.

1 TIMOTIUS 4:1

Roh Allah seca'o tegas madeak bahwo pado maso-maso de bakea teko, ade tun de bakea murtad, lajau temotoa roh-roh de menea tun jijai sesat ngen ajaran-ajaran Iblis,

2 TIMOTIUS 3:13

dong tun jahat ngen tukang mike bakea tambeak jahat. Tobo'o mike tun luyen padahal tobo'o suang kulo keno pike.

2 PETRUS 2:1

Pado maso de bel'o neak antaro umat Allah bi timboa nebai-nebai palsu. Awei o kulo neak antaronu bakea timboa gu'au-gu'au palsu. Tobo'o bakea memasukan ajaran-ajaran de coa benea, de membinasakan tun. Ngen tobo'o bakea menyangkal Penguasa de sudo mbebas tobo'o. Ngen awei yo tobo'o mendatangkan kebinasaan das dirai suang, de bakea tejijai pado tobo'o ngen gacang.

1 YOHANES 2:18

Anok-anokku, kiamat bi pa'ok! Sudo nelei namen ngen udi ayokne bahwo musuak Kristus bakea teko; ngen uyo bi teko dau tun de musuak ngen Kristus. Do'o tandone bahwo kiamat bi pa'ok.

1 YOHANES 2:7

Saudaro-saudaro de tecito! De uku temulis yo iso suaktau periteak de belau. Dio periteak an de sudo senapei ngen udi sejak udi muloi pecayo ngen Kristus; adeba bito kunei Allah de sudo udi temi'uk ayokne.

2 YOHANES 1:7

Dau penyesat bi teko ngen lalau moi kute dunio, tobo'o adeba tun-tun de coa makau bahwo Yesus Kristus teko moi dunio sebagai su'ang manusio. Tun de awei o adeba penyesat, ngen musuak Kristus.

3 YOHANES 1:11

Saudaro de tecito, jibeakba nirau de kidek, tapi de baik. Tun de menea baik adeba de Allah temuan tapi tun de menea jahat ati kemnal Allah.

WAHYU 2:2

Uku namen jano de udi nea: Udi kerjo keras ngen udi kembiak sabar. Uku namen bahwo udi coa melei atei ngen tun jahat. Ngen tun-tun makau diraine rasul padahal iso, sudo udi ntes, ngen udi namen bahwo tobo'o mike.