1 YOHANES 3:7 - JANJAI BLAU Lem Bahaso Jang Bebilai

⁷ Anok-anokku, jibeak meluak api bae semset udi. Tun de menea kelok Allah adeba Anok Allah serai awei Kristus adeba Anok Allah.

1 YOHANES 3:7 ပူးပေါင်းရင်းမြစ်များ

MATIUS 5:20

Jijai ingetba: Amen udi coa kemerjo periteak Allah lebiak kunei gu'au-gu'au agamo ngen tun-tun Farisi, udi coa bakea jijai umat Allah!”

LUKAS 1:75

lem sucai ngen benea neak adep Si somor idup te.

KISAH RASUL-RASUL 10:35

Tun de saben ngen Allah ngen menea de benea, tun o tenimo Allah, coa dulai si kunei bangso jano.

ROMA 2:13

Kerno iso tun de temi'uk hukum agamo Yahudi de benea neak adep Allah, tapi tun de kemerjo hukum agamo Yahudiba de bakea benea.

1 KORINTUS 6:9

Jano udi namen bahwo tun-tun de coa motoa kelok Allah, coa bakea jijai anggota umat Allah? Jibeak keno pike! Tun-tun de menea uleak kidek, tun-tun de nyembeak patung, de nga'em, semanei de menea perbuatan kidek de semelek te'adep sesamo jenisne ngen pasanganne,

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

EFESUS 5:9

kerno kunei te'ang timboa kebaikan, keadilan ngen kebenaran,

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

IBRANI 1:8

Tapi ngen Anok o, Allah madeak, “Takhta-Nu, ya Allah, bakea kekal selamo-lamone! Pemerintahan-Nu adeba pemerintahan de adea.

IBRANI 7:2

Mako Abraham melei ngen Melkisedek puluak persen kunei kute jano de nbutne. (Gen Melkisedek taine, pertamo-tamo, “Rajo Keadilan”; ngen kerno si rajo kunei Salem, mako genne kulo taine “Rajo Sejahtera”.)

YAKOBUS 1:22

Lokba udi menea jano de nadeak Allah, jibeak cuma temi'uk bae, sehinggo ngen awei o udi mike dirai suang.

YAKOBUS 2:19

Udi pecayo bahwo Allah cuma do? Nah, roh-roh kidek kulo pecayo tapi tobo'o kemtea kerno saben!

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 YOHANES 2:1

Anok-anokku! Uku temulis dio ngen udi supayo udi jibeak menea duso. Tapi amen ade de menea duso, mako ite temuan suang pembela, adeba Yesus Kristus de adea o; Si bakea minoi nien utuk ite neak adep Bapa.

1 YOHANES 2:26

Uku temulis dio ngen udi tetang tun-tun de gidong berusaho mike udi.

1 YOHANES 2:29

Udi bi namen bahwo Kristus idup temurut kelok Allah. Sebab o udi harus namen kulo bahwo tiep tun de idup temurut kelok Allah adeba anok Allah.

1 YOHANES 3:18

Anok-anokku, jibeakba ite mengasiak cuma neak bibia atau kecek bae. Lokba ite mengasiak ngen kasih de sejati neak lem perbuatan ite.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.

1 YOHANES 4:17

Kasih neane jijai sempurno lem dirai ite, kunyau supayo ite temuan keberanian neak Bilai Penghakiman. Ite bakea temuan keberanian, sebab idup ite neak dunio yo serai awei idup Kristus.