1 YOHANES 3:6 - JANJAI BLAU Lem Bahaso Jang Bebilai

⁶ Kute tun de idup jijai do ngen Kristus, coa menea duso igai. Tun de tep menea duso, coa perneak kemliak Kristus atau kemnal-Ne.

1 YOHANES 3:6 ပူးပေါင်းရင်းမြစ်များ

2 KORINTUS 3:18

Ite kutene adeba senno kemulioan Tuhan ngen papea de coa tenutup selikep. Kerno kemulioan o tekone kunei Tuhan de adeba Roh, mako ite dong nubeak jijai awei ngen gambar-Ne, lem kemulioan de tambeak lai.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

1 YOHANES 2:28

Jijai, anok-anokku, tepba idup jijai do ngen Kristus, supayo amen Si teko, ite madep Si seca'o binai, ngen coa selek.

1 YOHANES 2:3

Amen ite taat ngen periteak-periteak Allah, do'o tandone bahwo ite kemnal Allah.

1 YOHANES 2:4

Tun de madeak, “Uku kemnal Allah,” tapi coa taat ngen periteak-periteak-Ne, tun o tukang mike, ngen Allah coa ade neak lem ateine.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

1 YOHANES 3:9

Tun de sudo jijai Anok Allah, coa menea duso igai, sebab sifet Allah ade neak diraine. Ngen kerno Allah o Bapane, mako si coa dapet menea duso igai.

1 YOHANES 4:8

Tun de coa mengasiak, coa kemnal Allah; sebab Allah adeba kasih.

1 YOHANES 5:18

Ite namen bahwo kute tun de sudo jijai anok-anok Allah, coa bogoa menea duso, sebab Anok Allah semlamatne, ngen de jahat coa dapet menea jejano teadepne.

3 YOHANES 1:11

Saudaro de tecito, jibeakba nirau de kidek, tapi de baik. Tun de menea baik adeba de Allah temuan tapi tun de menea jahat ati kemnal Allah.