1 YOHANES 3:3 - JANJAI BLAU Lem Bahaso Jang Bebilai

³ Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.

1 YOHANES 3:3 ပူးပေါင်းရင်းမြစ်များ

MATIUS 5:48

Kerno'o harusba udi sempurno serai ngen Allahnu de ade neak surgo.”

LUKAS 6:36

Lokba udi mu'eak atei, serai awei Bapanu adeba mu'eak atei.”

YOHANES 17:19

Ngen Uku semucai dirai-Ku utuk tobo'o, supayo tobo'o kulo senucai lem kebenea.

KISAH RASUL-RASUL 15:9

Allah samo sekilai coa mbeda antaro ite ngen tobo'o, sesudo Si semucai atei tobo'o ngen imen.

ROMA 15:12

Ngen dio kulo de nadeak Yesaya, “Kunei royot Isai bakea teko su'ang tun de bakea meriteak bangso-bangso; ngen Siba bangso-bangso o bakea ma'ep.”

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

KOLOSE 1:5

Udi pecayo ngen udi mengasihi, sebab udi ma'ep ngen jano de seniap Allah neak surgo. Udi bi temi'uk hal o, ketiko Bito Baik de benea senapai ngen udi.

2 TESALONIKA 2:16

Semoga Tuhan ite Yesus Kristus suang, ngen Allah Bapa ite mibur ngen kemuet ateinu, supayo udi dapet menea ngen melei namen jano de baik. Sebab Allah mengasihi ite, ngen kerno atei-Ne baik Si menea ite tep tabah, serto ma'ep de baik.

TITUS 3:7

supayo rahmat Yesus, menea ite baik igai ngen Allah, ite temimo idup sejati ngen kekal.

IBRANI 12:14

Berusahoba utuk idup damoi ngen kute tun. Berusahoba kulo utuk idup sucai, khusus utuk Tuhan. Sebab coa suang kulo dapet kemliak Tuhan amen si coa idup awei o.

IBRANI 6:18

Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

IBRANI 7:26

Jijai, Yesus do'oba Imem Lai de ite perlu. Si sucai; ngen-Si coa ade saleak atau duso jano bae. Si cen'ei kunei tun-tun beduso, ngen naket sapei moi penan de lebiak lekat kunei kute lenget.

YAKOBUS 4:8

Na'okba Allah, Allah kulo bakea ma'ok udi. Mpukba tangennu, udi de beduso! Ngen senucaiba ateinu, udi menduai atei!

1 PETRUS 1:15

Sebelekne, lokba udi sucai lem kute sesuaktau de udi nea, serai awei Allah de menok udi o sucai.

1 PETRUS 1:3

Maroba ite bersyukur ngen Allah, Bapa Tuhan ite Yesus Kristus! Si kembiak mengasihi ite, do'o sebabne Si melei ngen ite idup de belau, midup igai Yesus Kristus kunei matei. Dio melei ite harapan de kuet.

2 PETRUS 1:4

Ngen ca'o do'oba Allah melei anugerah ngen ite berkat-berkat de kembiak luea biaso ngen bego de sudo jenanjai-Ne. Ngen berkat-berkat o udi dapet mbebas udi kunei kelok-kelok kidek de musak neak dunio yo, ngen udi temimo sifet ilahi.

2 PETRUS 3:14

Sebab o, saudaro-saudaro de tecito, sementaro udi mbot kutene o, berusahoba sungguak-sungguak utuk idup sucai ngen coa ade cacet neak adep Allah, neaba hubungan de baik ngen Allah.

1 YOHANES 2:6

Api de madeak bahwo si idup jijai do ngen Allah, si harus idup serai awei Kristus bi idup.

1 YOHANES 4:17

Kasih neane jijai sempurno lem dirai ite, kunyau supayo ite temuan keberanian neak Bilai Penghakiman. Ite bakea temuan keberanian, sebab idup ite neak dunio yo serai awei idup Kristus.