1 YOHANES 3:23 - JANJAI BLAU Lem Bahaso Jang Bebilai

²³ De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.

1 YOHANES 3:23 ပူးပေါင်းရင်းမြစ်များ

MATIUS 22:39

Periteak de keduai samo ngen de pertamo'o: Cintoba sesamonu aweiko cemito di rainu dewek.

MARKUS 9:7

Mako tekoba mbun melitas tobo'o ngen kunei mbun'o teni'uk saei, “Dioba anok de Uku kasihi, teni'ukba Si.”

YOHANES 1:12

Tapi kute tun de temimo Si neleine kuaso supayo jijai anok-anok Allah, adeba tobo'o de pecayo lem gen-Ne.

YOHANES 13:34

Uku melei priteak blau ngen udi, adeba supayo udi saling mengasiak, serai awei Uku kemasiak udi, awei'o kulo udi arus saling kemasiak.

YOHANES 14:1

Yesus madeak ngen tobo'o, “Jibeak liseak ateinu; pecayoba ngen Allah, pecayoba kulo ngen Uku.

YOHANES 15:12

Dioba periteak-Ku, adeba supayo udi saling mengasiak, awei Uku bi mengasiak udi.

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

YOHANES 2:23

Sementaro Si neak Yerusalem selamo Bilai Rayo Paskah, dau tun pecayo lem gen-Ne, kerno tobo'o bi kemliak tando-tando mujizat de nadeak-Ne.

YOHANES 3:18

Api bae de pecayo ngen-Si, si coa bakea nukum. Api bae de coa pecayo, si bi ade neak hukuman, sebab si coa pecayo ngen Anok Tunggea Allah.

YOHANES 6:29

Jawab Yesus, “Dioba kerjo de kenlok Allah, adeba lok ba udi pecayo ngen-Si de sudo nutus Allah.”

KISAH RASUL-RASUL 16:31

Tobo'o jemawap, “Cayoba ngen Tuhan Yesus Kristus, ko ngen kute isai umeaknu bakea selamat.”

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

1 TESALONIKA 4:9

Coa perlu igai keme temulis ngen udi tetang awei ipe udi harus mengasihi Saudaro-saudaro do imen. Udi suang bi najea Allah utuk samo-samo mengasihi.

1 TIMOTIUS 1:15

Kecek o benea ngen patut tenimo sepenuakne, “Kristus Yesus teko moi dunio yo utuk semlamat tun beduso.” Ngen neak antaro tobo'o ukuba de kembiak beduso.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 4:8

Lebiak kunei pado kekute, lokba udi sungguak-sungguak kemasiak do ngen luyen, sebab ngen saling kemasiak udi bakea besedio kulo utuk saling mapun.

1 YOHANES 2:7

Saudaro-saudaro de tecito! De uku temulis yo iso suaktau periteak de belau. Dio periteak an de sudo senapei ngen udi sejak udi muloi pecayo ngen Kristus; adeba bito kunei Allah de sudo udi temi'uk ayokne.

1 YOHANES 3:11

Sejak semulo bi senapei bito yo ngen udi: ite harus mengasiak do ngen deluyenne.

1 YOHANES 4:15

Api makau bahwo Yesus o Anok Allah, Allah idup jijai do ngen tun o, ngen tun o kulo idup jijai do ngen Allah.

1 YOHANES 4:21

Sebab o, dioba periteak de nelei Kristus ngen ite: Api mengasiak Allah harus mengasiak saudarone kulo.

1 YOHANES 5:13

Uku temulis ngen udi de pecayo ngen Anok Allah, supayo udi namen bahwo udi sudo temuan idup sejati ngen kekal.