1 YOHANES 3:22 - JANJAI BLAU Lem Bahaso Jang Bebilai

²² Ngen jano de ite minoi ngen Si, ite dapetne, kerno ite taat ngen periteak-periteak-Ne, menea jano de semnang atei-Ne.

1 YOHANES 3:22 ပူးပေါင်းရင်းမြစ်များ

YOHANES 15:7

Amen udi tinggea lem Uku ngen firman-Ku tinggea lem udi, minoi ba ngen Bapa jano bae de udi kenlok, ngen udi bakea temimone.

YOHANES 9:31

Ite namen bahwo Allah coa temi'uk tun-tun beduso, tapi tun-tun malim ngen menea kelok-Ne.

MATIUS 21:22

Jano bae de udi minoi lem du'o ngen penuak pacayo, Allah bakea melei udi.”

1 YOHANES 5:14

Ngen ite binai madep Allah, kerno ite yakin Si kemabul du'o ite, amen ite minoi jano bae de sesuai ngen kelok-Ne.

MARKUS 11:24

Kerno'o Uku madeak ngen udi: Jano bae de udi minoi ngen demu'o, masaiba bahwo udi bi temimone, mako hal'o bakea nelei ngen udi.

YOHANES 14:13

Jano bae de udi minoi lem gen-Ku, Uku bakea kemerjone, supayo Bak nujai lem Anok.

YAKOBUS 1:5

Amen ade tun neak antaro udi de kuang bijaksana, lokba si minoine kunei Allah, mako Allah bakea melei kebijaksanaan ngen udi; sebab ngen tiep tun, Allah melei ngen mu'eak atei ngen asai ibo.

YOHANES 8:29

Si, de sudo mutus Uku, semerto Uku. Si coa perneak teminggea Uku suang, sebab Uku bogoa menea jano de semnang atei-Ne.”

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

YAKOBUS 5:16

Sebab o, lokba udi makau saleak ngen saling demu'o, supayo udi kenaen. Du'o tun de temurut kelok Allah, temuan kuaso de lai.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

YOHANES 6:29

Jawab Yesus, “Dioba kerjo de kenlok Allah, adeba lok ba udi pecayo ngen-Si de sudo nutus Allah.”

FILIFI 4:18

Uku bi temimo kutene – malah lebiak kunei cukup! Kute pelei de udi mbo ngen uku bi uku temimo kunei Epafroditus. Uyo uku temuan kute de uku perlu. Pelei-pelei kunei udi o adeba awei mbon um kunei kurban de nelei ngen Allah ngen de temimo Allah ngen riang atei.

KISAH RASUL-RASUL 17:30

Coa kemliak igai zaman kebodohan, uyo Allah meriteak kute tun neak ipe bae utuk tobat.

YOHANES 15:10

Amen udi temotoa periteak-Ku, udi bakea tinggea neak lem kasiak-Ku, awei Uku temotoa periteak Bapa-Ku ngen tinggea neak lem kasiak-Ne.

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

KISAH RASUL-RASUL 20:21

Baik ngen tun-tun Yahudi atau tun-tun bangso luyen uku bogoa melei peringatan supayo tobo'o tobat kunei duso-duso tobo'o, teko ngen Allah, serto pecayo ngen Tuhan Yesus.

YAKOBUS 4:3

Atau udi sudo minoine, tapi udi coa dapet, sebab de minoi o saleak; jano de udi minoi adeba utuk kesenangan dirainu su'ang

1 YOHANES 2:3

Amen ite taat ngen periteak-periteak Allah, do'o tandone bahwo ite kemnal Allah.