1 YOHANES 3:21 - JANJAI BLAU Lem Bahaso Jang Bebilai

²¹ Jijai, saudaro-saudaroku de te cito, amen atei ite coa semaleak ite, ite dapet madep Allah ngen binai.

1 YOHANES 3:21 ပူးပေါင်းရင်းမြစ်များ

1 YOHANES 2:28

Jijai, anok-anokku, tepba idup jijai do ngen Kristus, supayo amen Si teko, ite madep Si seca'o binai, ngen coa selek.

IBRANI 4:16

Kerno o, maroba ite ngen kembiak binai madep Allah de meriteak ngen baik atei. Allah bakea selen ngen ite, memberkati ite supayo ite dapet pertolongan tepat pado waktaune.

2 KORINTUS 1:12

Keme bangga, sebab atei nurani keme melei saksai ngen keme bahwo idup keme neak dunio yo, khususne lem hubungan keme ngen udi, kenuaso ketulusan ngen kemurnian kunei Allah iso kunei dunio, tapi ngen kekuatan anugerah Allah.

1 YOHANES 5:14

Ngen ite binai madep Allah, kerno ite yakin Si kemabul du'o ite, amen ite minoi jano bae de sesuai ngen kelok-Ne.

1 YOHANES 4:17

Kasih neane jijai sempurno lem dirai ite, kunyau supayo ite temuan keberanian neak Bilai Penghakiman. Ite bakea temuan keberanian, sebab idup ite neak dunio yo serai awei idup Kristus.

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

1 KORINTUS 4:4

Uku coa meraso saleak lem hal jano bae, tapi do'o iso jijai bukti bahwo uku memang coa saleak. Tuhan suangba de temtau uku saleak jano coa.

1 TIMOTIUS 2:8

Uku lok supayo neak ipe bae semanei bedu'o ngen atei de sucai, coa pakei mengiak ngen selisiak.

ROMA 14:22

Kunyauba jano de saudaro cayo o, saudaro nea neak adep Allah bae utuk saudaro su'ang. Tun de coa temuan alasan utuk meding saleak ngen jano de nanggapne benea, tun o riang.

EFESUS 3:12

Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan.

1 YOHANES 2:7

Saudaro-saudaro de tecito! De uku temulis yo iso suaktau periteak de belau. Dio periteak an de sudo senapei ngen udi sejak udi muloi pecayo ngen Kristus; adeba bito kunei Allah de sudo udi temi'uk ayokne.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

1 YOHANES 3:20

Ite namen, bahwo amen ite senaleak atei ite, Allah adeba lebiak lai kunei atei ite, Si namen kekutene.