1 YOHANES 3:20 - JANJAI BLAU Lem Bahaso Jang Bebilai

²⁰ Ite namen, bahwo amen ite senaleak atei ite, Allah adeba lebiak lai kunei atei ite, Si namen kekutene.

1 YOHANES 3:20 ပူးပေါင်းရင်းမြစ်များ

IBRANI 4:13

Coa ade do makhluk kulo de coa keten kunei pandangan Allah. Kute sesuaktau tukok neak adep-Ne. Ngen ite harus melei tanggung jawab ngen-Si.

1 KORINTUS 4:4

Uku coa meraso saleak lem hal jano bae, tapi do'o iso jijai bukti bahwo uku memang coa saleak. Tuhan suangba de temtau uku saleak jano coa.

1 YOHANES 4:4

Tapi anok-anokku, udi de Allah temuan. Udi bi maleak nebai-nebai palsu, sebab de ade ngen udi lebiak bekuaso kunei roh de ade ngen tun-tun de temuan dunio yo.

YOHANES 21:17

Nadeak Yesus ngen si utuk ketelau kilaine, “Simon, anok Yona, jano Ko mengasiak Uku?” Petrus kulo meding ibo kerno Yesus madeak utuk ketelau kilaine, “Jano ko mengasiak Uku?” Ngen si madeak ngen-Ne, “Tuhan, Ko namen kute sesuaktau. Ko namen, bahwo uku mengasiak Ko.” Nadeak Yesus ngen si, “Meliaroba bebirai-Ku.

WAHYU 2:23

Penotoa-penotoane bakea Uku munuak kulo supayo kute jemaat sadar bahwo Ukuba Si de namen pekeran ngen atei manusio. Uku bakea males udi temurut plep udi masing-masing.

TITUS 3:11

Ko namen bahwo tun awei o jahat ngen duso-dusone melei bukti bahwo si saleak.

YOHANES 8:9

Tapi sesudo tobo'o temi'uk kecek o, lalauba tobo'o sesuang, muloi kunei de tuai. Akherne tinggea ba Yesus suang dirai ngen selawei o de tep neak penanne.

IBRANI 6:13

Ketiko Allah melei janjai ngen Abraham, Si besupeak bahwo Si bakea menea jano de sudo jenanjai-Ne. Ngen kerno coa ade de lebiak lekat kunei Allah, mako Si besupeak das gen-Ne suang.

KISAH RASUL-RASUL 5:33

Waktau anggota-anggota Mahkamah Agamo o temi'uk o, tobo'o mengiak nien, tobo'o sepakat utuk munuak rasul-rasul o.

ROMA 8:34

Kristus Yesus, de sudo matei? Bahkan lebiak igai, de sudo idup igai, de kulo temot neak peak kanen Allah, de malah jijai Pembela ite?

1 YOHANES 3:19

Awei'oba ca'one ite namen bahwo ite asalne kunei anok-anok Allah de benea, ngen atei ite tenang neak adep Allah.

1 YOHANES 3:21

Jijai, saudaro-saudaroku de te cito, amen atei ite coa semaleak ite, ite dapet madep Allah ngen binai.